Oğuzda kəndə hücum edən ayı özü qurban olub.

Region TV-nin məlumatına görə, növbəti belə hadisə rayonun Xaçmaz kəndində yaşanıb. Belə ki, axşam saatlarında Əlibala Nəbiyev öz bağına gedərkən yaxınlıqdakı transformatorda ayının ilişib qaldığını görüb. Yaxınlaşdığı zaman ayının elektrik cərəyanı vurması nəticəsində öldüyünün şahidi olub. Kənd sakinləri ayını yaxınlıqdakı meşə ərazisinə atıblar.



Ayının çəkisinin 30-35 kq olduğu bildirilir. Sakinlər hadisədən təşvişə düşüblər. Onların bildirdiyinə görə, axşam saatlarında ayı nəriltisini eşitmək artıq adi hal alıb.



Qeyd edək ki, ayının günün günorta çağı kəndə yaxınlaşması və transformatorun 50 metr yaxınlığında ev və məktəbin yerləşməsi bu təşvişi daha da artırıb.



Xatırladaq ki, bir neçə gün öncə də Şəkinin Baş Şabalıd kənd sakini ayının hücumuna məruz qalmışdı.