Ən dəhşətli mənzərəni deyimmi? Mən meydanda, qardaşım da DQ-də idi. Təsəvvür edirsiniz??? O əmrlə, mən də öz istəyimlə çıxmışdım. Bir-birimizə qarşı dayanmışdıq!!!

Jurnalist Cəmil Məmmədli social şəbəkədə müxalifəti sərt şəkildə tənqid edib. Xəbərdar.net həmin yazını oxuculara təqdim edir:
“Mənim heç bir siyasi iddiam yoxdur. Heç bir siyasi partiyaya da bağlılığım. Ancaq bir iki məsələyə toxunmamış keçmək istəmirəm.
Biri özünü öyür ki, 20 ildə, ən böyük,ən qədim, ən bomba partiyayam, nə bilim yeganə demokratiya şəhidi bizim partiyadan olub. O biri deyir ki, 20 ilin ən çox tərəfdaşı olan partiyayam, meydanları bir anda minlərlə adam çıxarıram.
O birisi də, hərini tapıb çıxarır TV-lərə, bir gic söz atır bunların qabağına. Getdi...Bir on gün də, hər iki partiya və tərəfdarları ancaq bir gicin verdiyi gic müsahibəyə etirazlarını, münasibətlərini bildirirlər. Zaman getdimi? Bu "dava-qırğın" gedə-gedə isə hökümət öz çərxini dolandırmaqdadır. Yəni yediyini yeyir, tutduğunu tutur, kəsdiyini kəsir, day nə bilim daha nələr...
Sizə deyimmi siz kimsiniz? İstər hakimiyyətli, istər müxalifətli?!
Hakimiyyət- bu uzun illərdə, bizə uşaq nağılları kimi islahat nağılları danışdırıb, başımızı qarışdırıb, səsimizi, milli qürurumuzu, təhsilimizi, elmimizi, mənəviyyatımızı zay edən bir dəstəsiniz!!!
Müxalifət- öz aranızda, özünüz bilirsiniz. Öz aranızda şəxsi ambisiyalarınıza görə, birləşməyə canı çıxan, fürsət yaranan kimi, ƏN sözünü adının qabağına yapışdırıb, bundan böyük zövq alan, hələ də mübarizə apardığınız rəqibinizin güc və imkanlarını dəqiq hesablamağı belə bilməyən, hakimiyyətdən çox bir-birinizlə mübarizə aparan bir tayfasınız.
Bəsdi də, vallah bəsdi. Bu boyda milləti dolamıyın.Gələcək illərdə tarix heç sizi də bağışlamayacaq. Bu millət dərdini kimə desin, kiminlə həyata bağlansın, ümidlərini kimə ümid etsin? Eyib deyil? Bu ölkədən gedən "beyin axını", həbsxanalarda çürüyən "beyinlər", saf ürəklə apardığı mübarizəyə görə min bir əziyyətə qatlaşan gəncliyimizə, ziyalımıza, istedadlarımıza yazığınız gəlsin. Hərəniz bir xəstəyə sayt filan açdırıb, bir-birinizi tənqiddənsə, sətiraltı özünüzü öyməkdənsə, yığışın oturun, bir qərara gəlin, biz də bilək. Hakimiyyətə gəlib millətə xeyir verməyiniz cəhənnəm, barı gic-gic danışıb millətə ziyan verməyin. Yetər!!!
Müxalifətçi dostlarımdan üzr istəyirəm. Sırf içimdən gələnləri, səmimi olaraq yazdım. Əslində ünvanlıdır. Sadəcə hamını yazdım ki, sonra ünvanladığım tərəf, məni o biri tərəfə bağlamasın.
Səhər-səhər 16 oktyabrla bağlı oxuduğum bir ...elə belə də deyəcəm...GƏDƏnin statusu lap elə bil yandırıb tökdü məni. 2003-cü ildə meydanda heç kimin bir-birindən siyasi mənsubiyyət soruşmağa vaxtı yox idi, cəbhəçisən yoxsa müsavatçı? Hamını qırırdılar. Ən dəhşətli mənzərəni deyimmi? Mən meydanda, qardaşım da DQ-də idi. Təsəvvür edirsiniz??? O əmrlə, mən də öz istəyimlə çıxmışdım. Bir