Bakının Xətai rayonunun sabiq icra başçısı, AXC hakimiyyətinin ən fəal nümayəndələrindən olan Zəlimxan Məmmədli hazırki icra başçısı Razim Məmmədovla bağlı növbəti dəfə prezident İlham Əliyevə şikayət məktubu göndərəcək.
Bu barədə Modern.az saytına Z.Məmmədli özü məlumat verib.
Yaşadığı rayonda üzləşdikləri problemlərə tab gətirə bilməyən keçmiş icra başçısı sələfinin işindən narazılığın bildirərək ölkə başçısını ona qarşı müvafiq tədbir görməyə çağırıb.
Şikayətinin sırf Xətai sakinlərinin narazılıqları əsasında qərəzsiz, şəxsi maraqlarından uzaq olduğunu deyən sabiq icra başçısı mübarizəsini sonunadək davam etdirəcəyini bildirib.
Qeyd edək ki, bu, Zəliman Məmmədlinin Xətai rayonunun icra hakimiyyətinin başçısı Razim Məmmədovla əlaqədar prezidentə sayca dördüncü şikayət məktubudur.