Eldar Mahmudovun müavinləri məhkəmədə açıqlamalar verəcəklər

Ləğv edilmiş Milli Təhlükəsizlik Nazirliyinin Monitorinq Mərkəzinin sabiq rəisi, general-mayor Teymur Quliyev, Transmilli İqtisadi Cinayətkarlığa Qarşı Mübarizə Baş İdarəsinin sabiq rəisi, general-mayor Sübahir Qurbanov, Əməliyyat-texniki idarəsinin rəisi, general-mayor Natəvan Mürvətova, həmin qurumun digər vəzifəli şəxsləri Füzuli Əliyev, Zaur Məmmədov, Natiq Alıyev, Fərhad Atayev, Anar Şirəliyev, Eşqin Əliyev, Elşad Əzizovun cinayət işi üzrə məhkəmənin hazırlıq iclası başlayıb.

Cinayət işi Bakı Hərbi Məhkəməsinin sədri hakim Həbib Həsənovun sədrlik etdiyi kollegiyada araşdırılır. Cinayət işi üzrə məhkəmənin hazırlıq iclası Sabunçu rayon Məhkəməsinin inzibati binasında baş tutub. Cinayət işi Sabunçu rayon Məhkəməsində keçirilməsi Bakı Hərbi Məhkəməsində geniş iclas zalının olmaması ilə əsaslandırılıb.

Səhər saatlarında zamində olan Natavan Mürvətova özü və həbsdə olan digər generallar isə konvoyun müşaiyəti ilə gətirilib. Səhər saatlarında proses başlasa da, mətbuat nümayəndələri prosesə buraxılmayıb.

Təqsirləndirilən şəxslərin vəkilləri məhkəmə prosesindən əvvəl jurnalistlərə açıqlama veriblər. Onlar bildiriblər ki, prosesin açıq keçirilməsi və mətbuat nümayəndələrinin prosesə buraxılması barədə vəsatət verəcəklər. “Biz istəyirik ki, mətbuat nüamyəndələri

prosesdə iştirak etsinlər və həqiqəti cəmiyyətə çatdırsınlar” deyə vəkillər bildirib.

Daha sonra vəkillər məhkəmənin binasına daxil olublar. Sabunçu rayon Məhkəməsinin qapısında dayanan polis bildirib ki, hakim postda prosesə buraxılan tərəflərin ad və soyadlarından ibarət siyahı təqdim olunub. “Siyahıda jurnalistlərin adları qeyd olunmayıb. Buna görə də jurnalistləri zala buraxa bilmərik. Məhmənin daxili qaydalarına görə xüsusi icazə olmadan jurnalistlər məhkəmə binasına buraxılmır”, - deyə mühafizə edən polis əməkdaşı bildirib.

Bildirilib ki, məhkəmə iclasının zalı 163 oturacaqdan ibarətdir. Həmin oturacaqlarını hamısı dolub. Bu səbəbdən zala zərərçəkmişlərin bir çoxunu, həmçinin təqsirləndirilən şəxslərin qohumlarınında əksəriyyətini buraxmayıb.

Hazırlıq iclası başlanan kimi təqsirləndirilən şəxslərin anket məlumatları dəqiqləşdirilib, sonra zərərçəkmişlər müəyyən edilib.

Daha sonra təqsirləndirilən Sübahir Qurbanovun müdafiəsinə daha iki vəkil Azər Tağıyev və Zaur Niftəliyevin qoşulduğu müəyyən edilib. Həmçinin Füzuli Əliyevin də vəkili, Teymur Quliyevin də vəkili Məzahir Şahmarov da məhkəməyə orden təqdim ediblər və prosesə yeni qoşulduqlarını bildiriblər.

Prosesə yeni qoşulan vəkillər cinayət işi ilə tanış olması üçün vaxt istəyiblər. Hakim onların istəyini nəzərə alıb və hazırlıq iclasının davamını fevralın 14-nə təyin edib.

Prosesdən sonra vəkillər jurnalistlərə bildiriblər ki, təqsirləndirilən şəxslərin səhhətləri normaldır. Sübahir Qurbanovun vəkili Ilkin

Mustafa deyib ki, müdafiə etdiyi şəxsin belində yırtıq var, onun əməliyyat olunmasına ehtiyac var: “Bununla bağlı məhkəməyə müraciət etmişəm. Məhkəmədən deyirlər ki, xəstəliklə bağlı Ədliyyə Nazirliyi məktub verməlidir”.

Ləğv olunmuş Milli Təhlükəsizlik Nazirliyinin sabiq baş idarə və idarə rəisləri Sübahir Qurbanov, Teymur Quliyev, Natavan Mirvətova, eləcə də həmin qurumun digər vəzifəli şəxsləri - Füzuli Əliyev, Zaur Məmmədov, Natiq Alıyev, Fərhad Atayev, Anar Şirəliyev, Eşqin Əliyev, Elşad Əzizovun 2004-2015-ci illər ərzində mütəşəkkil dəstə tərkibində xidməti vəzifələrinin icrası ilə əlaqədar hakimiyyətdən və öz qulluq mövqelərindən sui-istifadə ediblər.

Aslan
gundemxeber.az