Həbsdə olan ömürlük OMON-çular-Elçin Əmiraslanov, Səfa Poladov və Arif Kazımov əfv üçün ölkə başçısına müraciət ediblər.
Bu barədə onların vəkili Elçin Sadıqov öz Feysbuk səhifəsində məlumat yayıb.
Vəkilin statusunda bu sözlər yer alıb: "21 ildir cəza çəkən keçmiş OMON-çular Elçin Əmiraslanov, Səfa Poladov və Arif Kazımov əfv edilmək üçün Azərbaycan Respublikasının Prezidenti İlham Əliyevə müraciət ediblər.
Elçin Əmiraslanov, Səfa Poladov və Arif Kazımov 10 dekabr 1996-cı ildən həbsdədirlər. Cəza çəkdikləri müddətdə heç vaxt intizam pozuntusuna yol verməyiblər. Artıq hər üçü ağır xəstədir, yaşamaq ümidləri azdır.
Ümid edirik ki, bu əfv fərmanı onlara da şamil olacaq".