Tanınmış bloger, RATİ-nin sədri Mehman Hüseynovun martın 3-də həbsilə bağlı martın 4-də Vətəndaş Həmrəyliyi Partiyasının (VHP) qərargahında media, siyasi partiya və vətəndaşı cəmiyyəti institutları təmçilçilərinin iştirakı ilə toplantı keçirilib.
Toplantının məqsədi blogerin həbsinin səbəblərini araşdırmaq və onun ölkə və beynəlxalq miqyasda hüquqlarının müdafiəsini təşkil etmək olub.
M.Hüseynovun məhkəmə prosesi barədə danışan vəkil Elçin Sadıqov prosesin bütünlüklə qanun pozuntusu ilə keçirildiyini, elementar məhkəmə qaydalarına belə əməl olunmadığını söyləyib: “Verdiyimiz vəsatətələr təmin olunmadı, müdafiə üçün hazırlaşamğa zaman tanınmadı, son söz üçün yarım saat vaxt verilsə də sonradan bu da pozuldu”-deyə vəkil Suraxanı Rayon Məhkəməsində M.Hüseynovla bağlı keçirilən məhkəmə prosesinə münasibət ifadə edib.
Vəkil Nemət Kərimli də bu həbsi əsassız adlandırıb, məhkəmə prosesində müdafiə tərəfin hüquqlarının kobud şəkildə pozuduğunu nəzərə çatdırıb.
Media eksperti Xalid Ağəliyev Azərbaycanda diffamasiya ilə bağlı ildə 250-dən çox məhkəmə qərarı olduğunu söyləyib və diqqəti belə bir məqama yönəldib ki, M.Hüseynovun yanvarın 11-də işgəncə faktları verdiyi şikayət Baş Prokurorluq tərəfindən araşdırldığı bir vaxt həbs edilib. X.Ağəliyev hesab edir ki,
M.Hüseynovun həbsi tənqidçi medianı susdurmaq yolunda atılan addımlardan biridir: “İndi daha çox bölgələrdə yeni yaranan saytların bağlanması, qurucularının həbs olunması kütləviləşib, bu da internet medianı yerində boğmaq deməkdir.
Çıxış edən natiqlər bu həbsin siyasi, ictimai və insan haqları baxımından rezonansı barədə danışaraq ölkənin yenidən beynəlxalq qurumların tənqid hədəfi olacağını vurğulayıblar.
Natiqlər M.Hüseynovun Hüquqlarını Müdafiə Komitəsi yaradılmasının lazım gəldiyini, əsas ağırlığın media təmsilçilərinin üzrəinə qoyulması fikri səsləndirilib.
Siyasi partiya təmsilçiləri çıxışlarında M.Hüseynovun həbsini hakimiyyətin sifarişi kimi dəyərləndiriblər və bu həbsin blogerin sırf peşə fəaliyyətilə bağlı olduğunu deyiblər. Odur ki, təkcə bu fakta görə M.Hüseynovun artıq siyasi və vicdan məhbusu olduğunu söyləyiblər. Bununla yanaşı natiqlər ölkədə 160 nəfərə yaxın siyasi məhbus olduğunu bildirərək bütünlükdə siyasi məhbus məsələsinin gündəmə gəldiyini vurğualyıblar.
Natiqlər M.Hüseynovun həbsinə etirazların təşkili məsələsinə də toxunubalr. Burada kütləvi aksiyalardan ən müxtəlif səpgili etirazlar spektri müzakirə obyekti olub.
Xatıladaq ki, M.Hüseynov yanvarın 9-da naməlum şəxslər tərfindən oğurlanıb, yalnz yanvarın 10-da Nəsimi rayon Məhkəməsinə çıxarılarlkən onun bütün gecəni 22 saylı Polis Bölməsində saxlandğı məlum olub. Məhkəmə M.Hüseynovu 200 manat cərimə edərək sərbəst buraxıb. Bundan sonra jurnalistlərin önünə çıxan M.Hüseynov polis bölməsində işgəncələrə məruz qaldığını söylyib, vəkili isə işgəncə faktnln sübutu olan xəsarətlərə dair fotoları Baş Prokurorluğa təqdim edib.
Nəsimi Rayon polis İdarəsinin rəisi Musa Musayev isə xüsusi ittiham qaydasında M.Hüseynova qarşı iddia qaldırıb, Suraxanı Rayon məhkəməsi də bu iddia nəticəsində blogeri 2 il müddətinə azadlıqdan məhrum edib.
Turan