İcra başçısı sabiq məmuruna qarşı məhkəmə davası açıb

Dünən hüquq müdafiəçisi kimi İmişli RİH-nin başçısı V.Hacıyevin YAP fəalı Mürşüd Mirzəyevə qarşı Azərbaycan Respublikası CP-nin 147.2-ci maddəsi ilə məhkəməyə müraciət etdiyi iddiası ilə tanış oldum. M.Mirzəyev guya ona böhtan atıb, işgüzar nüfuzunu aşağı salıb. V.Hacıyev stres, əsəb sarsıntısı keçirib lokal həkim müalicəsi alıb. Sözsüz ki, iddianı hansısa hüquqşunas hazırlayıb və V.Hacıyevi biabır edib.
İnternet səhifəsində “bizi niyə aldatdın” V.Hacıyev?» başlıqlı sərlövhəli yazıda V.Hacıyevin iş adamı Müqais Verdiyevi 2.5 milyon, Maşallah Əhmədovu 100 min , Mürşüd Mirzəyevin özünü 50 mindən çox o cümlədən Pərviz, Osman , Cahangir, Məmmədağa, Eldar Hacıyev və Samuxlu Nəsirullah Nəzərovun külli miqdarda aldadıldığı göstərilsə də V.Hacıyev həmin şəxslərə borcunun olması barədə yazılanların böhtan olmasını göstərməmişdir və beləliklə subut olunur ki, həqiqətən də V.Hacıyev həmin ittihamlarla razıdır və həmin şəxsləri həqiqətən aldatmışdır. Dünyasını dəyişmiş şəhərin keçmiş merindən bu ilin yanvar ayında xeyrinə yazı getmişdi. Mənə yaxınlaşıb görüşdü : Bəy mən borcun içindəyəm , Allah pis adamların evini yıxsın. Xeyirimə də olsa məndən yazma dedi.
V.Hacıyev bir ay qabaq MİA və Vətən İnfo informasiya agentliklərini məhkəməyə verdi . İndi isə M.Mirzəyevi verib. V.Hacıyev haqsızdır, M.Mirzəyevə Mədəniyyət müdirliyini boyun alanda, dost olan da dostluğu axıracan aparmalı idi. Əli hər yerdən üzülən , borc içində çabalayan M.Mirzəyev intahardansa ədalətli vuruşu gözünə alıb. Ölümdən isə həbsxana yaxşıdır. Abırın itməyindən isə məhbəsdə təcrid olunmaq şərəfdir fikirləşib. Bu maddə ilə 18 iyul 2008-ci il keçmiş başçı Ə.Ağayev məni ittiham etmişdi. Qabağa isə sözçüsü Əziz Quliyevi vermişdi. Mən Əbülfəz Ağayevdən yazsamda əks hücumə Ə.Quliyev qaldırılmışdır. Keçmiş başçı Ə.Ağayev güclü oyunçu və sərras siyasətçi idi. İmişlidə 8 il işlədi. Vuruşduğu yalnız mən olsam da vuruşa sözçüsünü göndərdi. V.Hacıyevin iddiası həmin iddia ilə eynidir. Yalnız adlar dəyişdirilib. Şəxsən mənimlə məhkəmədə vuruşan Ə.Quliyev V.Hacıyevdən güclü görünür. O, müxalifətçini durna qatarının qarşısında gedən başçını zərərsizləşdirirdi. Rayonda etiraz , flanda kəsilmişdi. V.Hacıyev isə YAP-çıları müxalifətçiyə çevirir. Əgər cənab prezident İlham Əliyev V.Hacıyevin yerini İmişlidən başqa yerə dəyişsə YAP-çıların çoxu xorla M.Mirzəyevi dəstəkləyəcək.
Şəxsən V.Hacıyev M.Mirzəyevə zorən də olsa məhkəmədə qalib gəlsə bu onun “pirr qələbəsi” olacaq. Yəni belə qələbənin qalibləri olmur.

Hüquq müdafiəçisi Məhbub Zülfiqarlı