Yaralıların vəziyyətinin ağır olduğu bildirilir
Gecə saatlarında Gəndob-Yalama yolununun Xaçmaz rayonunun Çarxı kəndi ərazisindən keçən hissəsində dəhşətli yol nəqliyyat hadisəsi baş verib. “VAZ” markalı minik avtomobili ilə “QAZEL” markalı yük avtomobilinin toqquşması nəticəsində 4 nəfər ölüb, 2 nəfər ağır yaralanıb. Qəza nəticəsində “VAZ”ın sürücüsü, 30 yaşlı Vahidov Natiq Ağaoğlan oğlu və sərnişinləri 48 yaşlı Quba şəhər sakinləri Vahabov Hikmət Fikrət oğlu, 22 yaşlı Vahabov Qismət İsmət oğlu, hələlik şəxsiyyəti tam müəyyənləşməyən Xəzər adlı şəxs hadisə yerində dünyasını dəyişib. “QAZEL”də olan şəxslər 20 yaşlı Əhmədli Müseyib Fəxrəddin oğlu və 27 yaşlı Abbasov Amid Fərhad oğlu ağır xəsarətlər alaraq Xaçmaz MRX-nın travmatologiya şöbəsinə yerləşdirilib. Onların vəziyyətinin ağır olduğu bildirilir. Meyitləri əzilən avtomobildən çıxarmaq mümkün olmadığından hadisə yerinə FHN-nin xilasedici qrupu cəlb olunub.
Faktla bağlı araşdırma aparılır.