Ermənilər “Quran”ı talış dilinə tərcümə edirlər

Azərbaycanın işğal altındakı Şuşa şəhərində ermənilərin açdığı “Talışıstanın səsi” radiosu İslam dininin müqəddəs kitabı olan Quranın talış dilinə tərcümə olunmuş surələrindən ibarət ayrıca cildini çap etməyə hazırlaşır.

Bu barədə radionun rəhbəri Qarnik Asatryan xəbər verib. Bu, radioda talış dilinə tərcümə edilərək səsləndirilən surələrdən ibarət kitab olacaq.

“Biz hazırda bu məsələ ilə məşğuluq. “Qurandan və “Nəhcul Bəlağə”dən seçilmiş surə və xütbələr” adlanacaq kitab ayrıca cilddə nəşr olunacaq”- deyə Asatryan bildirib.

Onun sözlərinə görə, müqəddəs kitabın guya, talış dilinə çevrilməsinin mümkünsüzlüyü barədə deyilən sözləri bölüşmür.

“Hazırda radioda Quranın talış dilinə tərcümə olunmuş ayrı-ayrı surələri səslənir. Bu tərcümələr ərəb dilinin melodik ruhunu saxlayır”.

Asatryan deyib ki, “Talışıstanın səsi” radiosu humanitar missiya daşıyır.

Martın 20-dən Şuşa radioqülləsindən yayımlanan “Talışıstanın səsi” radiosu gündə 5 dəfə 1 saatlıq proqramla efirə çıxır.

İrəvan Dövlət Universitetinin İranşünaslıq kafedrasının müdiri Qarnik Asatryan " bildirib ki, talış dilində radionun radionun yaranmasında məqsəd talışların tarixini öyrənmək, görkəmli sənətkarları haqqında verilişlər hazirlamaq, talışşünaslığın problemlərini araşdirmaqdir. Verilişlərin 20-25 dəqiqəsi talışca, 15 dəqiqəsi azərbaycanca aparılır, qalan 15-20 dəqiqəsində isə musiqilər səsləndirilir.

Radiostansiya bizim İrəvan Dövlət Universitetinin İranşünaslıq kafedrasının təşəbbüsü ilə kafedra nəzdində olan Qafqaz mərkəzi və "Modus vivendi" mərkəzinin birgə səyi nəticəsində yaradılıb.