Miqranlara qarşı hücumların nəticəsi necə olacaq?
Rusiya və xüsusilə paytaxt Moskvada hər beşinci cinayət bu ölkəyə işləməyə gələn MDB vətəndaşları tərəfindən törədilir. Bu barədə Rusiya Federal Miqrasiya Xidməti məlumat verir.

Xidmətin məlumatına görə MDB-dən gələn miqrantların törətdiyi cinayətlərin hər il 5 dəfədən artıq artdığını deyir. Bunun qarşısını alması kimi xidmət rəisi Konstantin Romodonovskiy ölkəyə gələn miqrantlar üçün vizanın tədbiq etməsində görür. Maraqlıdır ki, bu cür hay-küyü təkcə Rusiyanın Miqrasiya Xidməti yaratmır. Məsələn, bu ölkənin səhiyyə naziri Veronika Skvotsova qeyri-leqal miqrantlarn qarşısını almaq üçün giriş vizasını tədbiq etməyin zərurətinin olduğunu və bununla xəstə miqrantların sağlamlığına ciddi nəzarət etməyin zəruriliyini vurğulayıb. Elə təəssürat yaranır ki, sanki vizaların tətbiqi ilə yolxucu xəstəliklərin qarşısını almaq mümkün olacaq.

Rusiyanın qanunvericiləri də səhiyyə işçilərindən geri qalmırlar. Onlar hətta ölkəyə gələn əcnəbilərin barmaq izlərini götürmək təşəbüsü ilə çıxış ediblər. Rusiya parlamentinin yuxarı palatasındakı bəzi senatorların fikrincə, barmaq izlərinin qeydə alınması cinayətkarların axtarışı asanlaşacaq. Dünya təcrübəsində görünməyən belə təşəbbüs qəbul olunsa, bu prosedur birbaşa sərhəd-keçid məntəqələrində həyata keçiriləcək. Təşəbbüsdə həmçinin Rusiyaya daxil olmaq üçün xarici pasportdan istifadəsinin tətbiqini vacib olduğu vurğulanır. Onsuz da Rusiyaya işləməyə gedərkən xarici pasportdan istifadə edən Azərbaycan vətəndaşları qonşu ölkədəki müxtəlif sahələrdə çalışırlar. Bu da Rusiyanın özünün iqtisadi maraqlarına cavab verir.

Politoloq Fikrət Sadığov Rusiyanın müxtəlif dövlət qurumlarının atdığı bu addımların Rusiyanın özününnün ziyanına işləyəcəyi qənaətindədir. Rusiyada cinayətləri törədənlər arasında miqrantların sayının artmasına gəldikdə, politoloq bunun cinayətlərin ümumi sayında cüzi bir hissə təşkil etdiyini deyir.