Həkimlər onun həyatını xilas edə bilməyib

***14.47
Bu gecə Bakının Nəsimi rayonu ərazisində bıçaqla qətlə yetirilən gəncin şəxsiyyəti müəyyənləşib. Nəsimi rayon Polis İdarəsi 19-cu polis bölməsindən araşdırmalar zamanı Salamzadə küçəsində bıçaqlanan şəxsin Tərtər sakini, 26 yaşlı Samir Mustafayev olduğu müəyyənləşib. Onun meyiti müayinə edildikdən sonra ailəsinə təhvil verilib.

Qeyd edək ki, Samir Mustafayev müğənni olub. O, 2012-ci ildə keçirilən “Univision” mahnı müsabiqəsində də iştirak edib. APA-nın məlumatına görə, qətli törədən şəxsin kimliyinin müəyyənləşib. Hazırda həmin şəxsin tutulması istiqamətində tədbirlər davam etdirilir.

İlkin ehtimala görə, hadisə namus üstündə baş verib.



***13.53
Bu gecə Bakının Nəsimi rayonu ərazisində qətl olub. Daxili İşlər Nazirliyinin mətbuat xidmətinə istinadən məlumata görə, Salamzadə küçəsindən 25-35 yaşlı kişi döş və kürək nahiyələrindən çoxsaylı bıçaq xəsarətləri alıb. Onu xəstəxanaya gətirsələr də, həkimlər onun həyatını xilas edə bilməyib.

Faktla bağlı əməliyyat-axtarış tədbirləri aparılır.