Müəllim adının həmişə uca və şərəfli səslənməsi heç də təsadüfi deyildir.Bu ad daşıdığı vəzifədən asılı olmayaraq ən ali insanlar üçün səslənir.Müəllim haqqında belə düşüncələr, bəlkə də yüzlərcədir.Çünki bütün ağıllı insanlar müəllimin xeyir-duası ilə ərsə gəlmişdir. Məhz bu səbəbdən müəllim də özünü xalqın gözündə yaşatmaq və təmiz adını saxlamaq üçün bu ada layiq hərəkət etməlidir.Təssüf olsun ki, bu müqəddəs ada ləkə gətirən, əxlaqa zidd mövqedən çıxış edən və müəllim adını korlayan insanlara da təsadüf edilir.

”Gündəm-xəbər” qəzetinin 12 avqust 2013-cü il tarixli 182(849) saylı nömrəsinin 11-ci səhifəsində “Nazirlə icra başçılarının savaşı dərinləşir”, “Mikayıl Cabbarov bəzi bölgə hakimlərindən ölkə başçısına şikayət edəcək; Nazirin qovmaq istədiyi təsil şöbə müdirləri başçılara sığınıb” başlıqlı yazı dərc edilmişdir.Bu yazıda bir neçə rayon təhsil şöbələrinin adları çəkilmişdir, o cümlədən Lənkaran, Saatlı, İmişli, Beyləqan və Salyan rayon təhsil şöbələri.Yazı çapa gedəndən sonra , redaksiyamızın elektron poçtuna Ağstafa rayonu , Qırlı kənd sakinləri və müəllimləri adından şikayət məktubu daxil oldu.Yazını olduğu kimi sizə təqdim edirik.
Şikayət məktubu Ağstafa rayonu, Sirac Əliyev adına Qırlı kənd tam orta məktəbinə yeni (yəni 1 ildir) təyin olunmuş direktor Gültəkin İsmayılovadandır. Gültəkin İsmayılovanın yarıtmaz fəaliyyəti nəticəsində bu il ali məktəblərə , rəhbərlik etdiyi təhsil ocağından bir nəfər də olsun belə şagird qəbul olmayıb.Çünki, onu uşaqların gələcəyi yox, pul maraqlandırır.Məlumat üçün bildiririk ki, Abşeron rayon polis şöbəsinin rəisi Namiq İsmayılov Gültəkin müəllimənin qardaşıdır.Təhsil şöbəsinin müdiri Fərhad Vəliyev insidentlə bağlı məktəbə gəlsə də problemi həll edə bilmədi.Çıxış yolunu barışmaqda görən şöbə müdiri bir tövsiyyə verib məktəbdən getdi.”Hamınız ölü-diri yiyəsisiniz, məsələni qloballaşdırmayın, öz aranızda həll edin çıxsın getsin”, Gültəkin xanımın qardaşı fəxrimizdi, rayonumuzdan bir-iki adlı sanlı adamımız var, onları da biabır etməyin.Bu qədər, sitatın sonu.
Qardaşının nüfuzundan istifadə edən, Gültəkin müəllimə bir il ərzində bir neçə nəfəri, işə qəbul və işdən azad edib.
Ağstafa r-n Qırılı kənd orta məktəbinin direktoru Gültəkin İsmayılova qardaşı Abşerob PRŞ-nin rəisi Namiq İsmayılova güvənərək bizim məktəbdə at oynadır. Rayon Təhsil Şöbəsinin müdürü Fərhad Vəliyevlə əlbir olaraq müəllimlərə qənim kəsiliblər.Gültəkin xanım hər müəllimdən 50 manat təmirpulu yığır, hər ay isə müəllimlərdən 10 manat rüşvət alaraq özü üçün yaratdığı xüsusi banka yığır. Başı pula elə qarışıb ki, məktəbin 46 məzunundan heç biri ali məktəbə daxil olmadı.
Biz Qırılı kənd ziyalıları təhsil naziri cənab Mikayıl Cababrova üz tutaraq bildirmək istəyirik ki, bu yığılan pullar qanuni yolla yığılamlıdır, ya rüşvətlə? Biz ümid edirik ki, cənab nazir bizim məktəbi bu Qəddafi rejimindən qurtara bilər. Biz bu məsələnin həllini Gültəkin xanımın qardaşına güvənməsində yox, onun könüllü istefasında görürük.Cənab Ramil Usubova müraciət edirik: Namiq İsmayılovun bu əməllərindən çəkilməsi barədə tədbir görəsiniz. Bu olayları qarşıdan gələn prezident seçkilərində əks- təbliğat hesab edirik. Çünki məktəb kollektivi böyük bir qüvvədir. Bütün rəhbərlərdən xahiş edirik- 5000 əhalisi, 90 müəllimi olan Qırılı kəndini İsmayılovların caynağından qurtarasınız. Böyük ümidlərlə əvvəlcədən minnətdarlığımızı bildiririk.
Elşad