Qəribədir, bütün sahələrdə olduğu kimi təhsil sistemində də ilbəil inkişaf nəzərə çarpsa da, bəzi məmurları yalnız öz məqsədləri düşündürür. Eyni zamanda, Lənkaran təhsil şöbəsinin müdirəsi Şəhanə xanımı... Bəlkə elə ona görədir ki, müdirə baş verənləri bilməməzliyə vurur. Dəfələrlə bəzi məqamlara aydınlıq gətirilməsi üçün Şəhanə Əhmədova ilə əlaqə yaratmaq istədik. Hər dəfə də özünü katibə kimi təqdim edən şəxs bizi inandırmağa çalışdı ki, “müdirə nazirliklə danışır, telefonu götürməsi mümükün deyil. “.

Onsuz da anlayırdıq ki, bu Şəhanə Əhmədovanın tapşırığıdır. Yoxsa, katibə işini itirməli olar. Maraqlıdır, saxta diplomlara qarşı tədbir görüldüyü vaxtda Şəhanə xanım öz maraqlı iş təcrübəsini tərgimək istəməyib. Siz deməyin, müəllim işləmək üçün heç diplom da gərək deyilmiş. Məsələn, Kazımov Sülh Xudat oğlu adi arayışla 1997-ci ildən 2014-cü ilə kimi Gidi və Alazəpin kənd məktəblərində müəllim işləyib. N.Tusi adına Azərbaycan Pedaqoji Universitetinin 31.VI.1997-ci il tarixli 48 saylı arxiv arayışında yazılıb: “Kazımov Sülh Xudad oğlu 1967-ci il 22 avqust 430 nömrəli əmrlə V.İ.Lenin adına APİ-nin riyaziyyat fakültəsinin əyani şöbəsinə daxil olmuş, 1-2 və 3-cü kurslarını oxumuş və 1970-ci il 12 iyun 132 nömrəli əmrlə institutdan xaric edilmişdir”.

Həmin tarixli 49 saylı arayişda yazılır: “Kazımov Sülh Xudad oğlu 1979-cu il 21 avqust 3-403 nömrəli əmrlə V.İ.Lenin adına APİ-nin fizika-astronomiya fakültəsinin əyani şöbəsinə daxil olmuş, 1-2 və 3-cü kursları oxumuş və 1982-ci il 24 iyul 2-434 nömrəli əmrlə institutdan xaric edilmişdir”.

Bu arayışların hansına inanasan, bilmirsən? İkincisi də inanmağa nə ehtiyac var ki? Şəhanə xanım inanıb, bəsdir. Biz onu bilmək istəyirik ki, Kazımov Sülh Xudad oğlu sonra hansı institutları oxumuşdur?

Sözün açığı, əldə olan arayışlar barədə nə qədər düşündüksə bir qənaətə gələ bilmədik. Belə işin saxtakarlıqdan başqa adı yoxdur. Bizcə bu işə daha uyğunlu adı təhsil nazirliyi qoya bilər.

Mövzunu diqqətdə saxlayacağıq.

Vəkil