Səudiyyə Ərəbistanının Məkkə şəhərindən dünən 1587 zəvvar çıxarılıb. Onların hamısı ölkədən deportasiya ediləcək.

Məkkə şəhər Təhlükəsizlik İdarəsinin komandanı, briqada generalı Abdulla əl Übeydin dediyinə görə, həmin zəvvarların sənədləri qaydasında olmayıb.

Bundan başqa, 179 qanunsuz mühacir və zəvvarları Məkkəyə qanunsuz şəkildə daşımaqla məşğul olan 10 səudi ərəb də cəzalandırılıb.

Səudiyyə Ərəbistanının mövcud qanunvericiliyinə görə, həcc qaydalarını pozmuş şəxslərin 10 il ərzində ölkəyə girişi yasaqdır.