Qusar rayonunda piyadanın vurulması ilə nəticələnən yol nəqliyyat hadisəsi baş verib.

APA-nın şimal bürosunun verdiyi məlumata görə, qəza Yeni Düztahircal kəndi ərazisində qeydə alınıb. Kənd sakini, 1980-ci il təvəllüdlü Finaddin Ağabəyov naməlum avtomobil tərəfindən vurulub. Sürücü hadisə yerindən qaçıb. Yoldan keçən şəxslər xəsarət almış piyadanı Qusar Mərkəzi Rayon Xəstəxanasına çatdırıblar, o, reanimasiya şöbəsinə yerləşdirilib.

F. Ağabəyovun vəziyyətinin ağır olduğu bildirilir.

Faktla bağlı Qusar Rayon Polis Şöbəsində araşdırmalar davam etdirilir.