Günlərdir sərhəddə gözləyən azərbaycanlı sürücülər od püskürür; İran tərəfinin yük limiti tələbi sərhəddə etiraza səbəb olub; Neft və benzinlə yüklü avtomobil çənlərində sızmaların yaranıb
Noyabrın 18-i axşam saatlarından İranla Azərbaycan arasındakı Biləsuvar sərhəd-buraxılış məntəqəsində yenidən problem yaranıb. APA TV-nin Cənub bürosunun məlumatına görə, Azərbaycana məxsus ağır tonnajlı yük maşınları İran sərhədindən geriyə qaytarılıb.
İran tərəfi bunu maşınlardakı yükün 30 tondan yuxarı olması ilə əlaqələndirib.
Hazırda Azərbaycanın Biləsuvar gömrük məntəqəsində 100-dən çox yük maşın növbə gözləyir. Sürücülərin sözlərinə görə, İran gömrükçüləri yük çəkimində yeni qayda tətbiq ediblər. Onlar maşınla bir yerdə çəkisi 30 tondan artıq olan yükü qəbul etmirlər.
İrana məxsus maşınlar isə 45-50 tonluq yüklə sərbəst və maneəsiz hər iki gömrük məntəqəsindən keçməyə davam edirlər.
Məlumata görə, Culfa gömrük məntəqəsində də analoji vəziyyət yaranıb.
Srağagündən İran tərəfinə keçmiş yük maşınları oradakı gömrükdə saxlanılıb. Hazırda İrandan Naxçıvan Muxtar Respublikaya keçmək üçün 150-dək yük maşını növbədə gözləyir.

Azərbaycanlı sürücülər piketə hazırlaşır

Yeni Müsavatın Biləsuvarda olan əməkdaşı bu gün sərhəd-keçid məntəqəsinə baş çəkərən vəziyyətlə maraqlanıb. Əməkdaşımızın “musavat.com”a verdiyi məlumata görə, iki gündür davam edən gözləmə yük maşını sürücülərini əsəblərini tarımar edib. Sürücülər bu səhər keçid məntəqəsinin qarşısında topalaşaraq yük maşınlarınn buraxılmasını tələb ediblər. Sürücülər yığışaraq keçid məntəqəsinin açılmaması təqdirdə piket keçirəcəklərini bildiriblər. İran tərəfi sürücülərin etirazı ilə bağlı məlumat yayıb ki, yeni tətbiq olunan yük normasının tələbini yerinə yetirməyən maşınlar sərhəddən buraxılmayacaq. İran gömrüyündən bildirilib ki, 30 ton yük limiti yeni tətbiq olunduğundan sənədələrin hazırlanması ilə bağlı sərhəddə gecikmələr olub. Onlar azərbaycanlı sürücləri əmin ediblər ki, yaranmış problem tez bir zamanda həll olunacaq.
Müxbirimiz deyir ki, sürücülər İran tərəfinin səsləndirdiyi fikirlə razılaşmırlar. Onların sözlərinə görə, 30 ton yük limiti təkcə Azərbaycan tərəfinə tətbiq edilir. İranlı sürücülər isə istənilən çəkidə olan yüklə Azərbaycan tərəfinə keçir. Sürüclər iddia edir ki, bu sadəcə olaraq İran tərəfinin düşünülmüş süründürməçilik siyasətidir.

Əməkdaşımız deyir ki, hazırda Biləsuvar sərhəd keçid məntəqəsində yük avtomobillərinin sayı pik həddə çatıb.
Neft və benzinlə yüklü avtomobil çənlərində sızmaların yaranması vəziyyəti daha da çətinləşdirib: “İran tərəfə keçmək üçün növbə gözləyən avtomobillərin sayı isə hər saat azalmaq əvəzinə artır. Baş verə biləcək hər hansı bir qarşdurmanın qarşısını almaq üçün əraziyə Biləsuvar Rayon Polis İdarəsinin əməkdaşları cəlb olunub. Bir qədər sonra iki ölkə sərhədçiləri gömrük sərhəd-keçid məntəqəsində görüşərək danışqılar aparıblar”.

Neft yüklü avtomobil çənlərində sızmalar yaranıb

Eyni zamanda Buraxılılış məntəqəsinin avtomobil parkında yük avtomobillərinin sayı yüksək həddə çatıb. Yük maşını sürücülərin bir çoxu keçid olmadığından artıq avtomobillərini Biləsuvar sərhəd keçid məntəqəsində qoyaraq piyada Naxçıvana üz tutmağa başlayıblar. Sürücülərin sözlərinə görə, Azərbaycana gətiriləcək bəzi yüklərin ünvana çatdırılmasının yubanması onlara qarşı əlavə cərimələrin tətbiq olunmasına səbəb olub. Həmçinin
Bir neçə gündür ki, hərəkətsiz halda dayanmış yük avtomobillərində də texniki problemlər yaranıb. Yükün təsirindən avtomobillərin təkərləri tədricən sıradan çıxıb.
Neft yüklü avtomobil çənlərində sızmaların yaranması vəziyyəti daha da çətinləşdirib. Artan təhlükə ilə bağlı əraziyə təcili yardım maşını və Biləsuvar Rayon Yanğından Mühafizə Hissəsinin canlı qüvvəsi və texnikası cəlb olunub.