İntihar edən iş adamı Bəxtiyar Məmmədovun anası oğlunun ölümündə əli olduğunu iddia etdiyi “Amrahbank”ın 4-cü mikrarayon filialının Nəzarət Şöbəsinin keçmiş müdiri Arzu Salahova (Mansurova) da açıqlama verib.


Salahova “Qafqazinfo” ilə əlaqə saxlayaraq Bəxtiyarın anasının oğlunun ölümünə səbəb olan şəxslərlə anlaşma əldə edərək işi ört-bastır etməkdə günahlandırıb:

“Niyə görə 39 yaşlı oğlu intihar etmiş ana oğlunun belə tezliklə xitam verilmiş işi barəsində şikayət etmir. Amma Arzu Salahova prezidentə, prokurorluğa açıq məktub yazır. Bəxtiyarın anası niyə susur? Oğlunun qatilini niyə axtarmır? Onun qatli ilə sövdələşməyə gedir, mən şikayət edəndə isə məni təkzib etməklə məğuldur. Mən məgər prezidentə müraciət etmişəm ki, məni gəlin kimi qəbul etsinlər, heç hənanın yeridir. Məgər Arzu Salayevə səndən gəlinlik istəyir? Mənim şikayətim ondandır ki, bizi aldadıblar, pulumuzu alıblar, Bəxtiyar həmin adamlara görə intihar edib. Mənim Bəxtiyarla kəbinim olub, bir uşağımız da var. Lakin mən prezidentə müraciətimdə öz uşağımı onun digər qadından olan iki uşağı ilə birgə nəzərdə tutaraq üç uşaq yazmışam”.

B. Məmmədovun anasının DİN-nin idarə rəisi ilə bağlı irəli sürdüyü ittihama isə A. Salahova belə cavab verib: “Adil Ağayev sırf dövlət sifarişi əsasında tikinti işləri həyata keçirir. Onun bu mövzuya heç bir aidiyyatı yoxdur”.

***

“Amrahbank”ın mətbuat xidmətindən isə "Qafqazinfo"ya bildirilirb ki, bankda belə bir şəxs işləməyib.

A. Salahova isə təkrarən bildirib ki, o uzun müddət “Amrahbank”ın sözügedən filialında işləyib və bu ilin aprel ayında işdən çıxıb.