Hadisənin ehtiyatsızlıqdan baş verdiyi bildirilir

Hadisə Siyəzəndə silahlı insident olub. Daxili İşlər Nazirliyinin mətbuat xidmətinə istinadən məlumata görə, hadisə noyabrın 25-də Siyəzən rayonu Həmyə kəndinin ərazisində qeydə alınıb. Rayon sakini Tural Mustafayev ov tüfəngi ilə ehtiyatsız davrandığından açdığı atəşdən həmyerlisi Nazim Hüseynov xəsarət alıb.

Siyəzən rayon polis şöbəsi əməkdaşları tərəfindən T.Mustafayevdən bir ədəd ov tüfəngi götürülüb.

Faktla bağlı araşdırma aparılır.