Dekabın 3-də, günün ikinci yarısında yağmağa başlayan və axşama yaxın intensivləşən qar ölkəmizin şimal bölgəsinin həyatıını iflic vəziyyətə salıb. Bu barədə həmin regionda yaşayan oxucularımız xəbər veriblər.

Bildirilir ki, əsasən Xaçmaz və Qusar rayonlarinda elektrik enerjisi və təbii qaz verilişində məhdudiyyətlər yaranıb. Xudat şəhərinə gün ərzində enerji verilişi 7 saat dayandırılıb. Axşam saatlarında Quba şəhəri və ətraf kəndlərdə də qaz və işıq fasilələrlə verilib. Rayon mərkəzlərini dağlıq ərazilərlə birləşdirən avtomobil yollarinda çətinliklər yaranıb. Bu hal əsasən Qusarda özünü biruzə verib.
Quba Regional Hidrometeriologiya mərkəzindən verilən məlumata görə, Qubanın Xınalıq və Xaltan kəndlərində qarın hündürlüyü 14,Qusarin Kuzun kəndində 16 sm-ə çatıb.
7 saylı Qusar Yol İstismarı İdarəsindən verilən məlumata görə,axşamdan başlayaraq yollarda qar-təmizləmə iılərinə başlanılsa da problemlər hələ də mövcuddur. Şabran rayonunda da enerji verilişində məhdudiyyətlər var. Şabran Rayon İcra Hakimiyyətindən verilən məlumata görə, fasilələrin yaranmasına səbəb-küləkli hava şəraitinin olması,naqillərin bir-birinə dəyməsi nəticəsində kiçik qapanma yaratması göstərilir.
İlk qarın yağması Qusar və Xaçmazda qabartdığı problemlərlə rayonların qışa nə dərəcə də hazır olmasını biruzə verdi. İcra başçılarının 9 aylıq hesabatlarında qışa hazırlığın tam yekunlaşması ilə əlaqədar bəyanatlar səsləndirmələrinə baxmayaraq, vəziyyət heç də deyilənləri əks etdirmir.