Bakıda ağır yol qəzası baş verib. Bakı Şəhər Baş Polis İdarəsindən APA-ya verilən məlumata görə, dekabrın 21-də saat 19:35 radələrində Qaradağ rayonu Yeni Dairəvi yolda Bakı şəhər sakini Vüsal Səfiyev idarə etdiyi «Hyundai» markalı avtomobili aşırıb. Nəticədə V. Səfiyev, sərnişinləri Şəfa Məmmədova və Vüsalə Rəhimova xəsarətlə Klinik Tibbi Mərkəzə yerləşdiriliblər.

V. Səfiyev aldığı xəsarətdən xəstəxanada dünyasını dəyişib.

Faktla bağlı araşdırma aparılır.