Hadisə nəticəsində bir nəfər həlak olub


Bakıda daha bir avtobus qəzası baş verib. Bakı şəhər Baş Polis İdarəsindən verilən məlumata görə, hadisə paytaxtın İ.İsmayılov küçəsində qeydə alınıb.

Bakı şəhər sakini Səbuhi Əlixanovun idarə etdiyi "LADA" markalı avtomaşınla Qazax rayon sakini Elçin Mərdanovun idarə etdiyi "Daewoo" markalı avtobus toqquşub.

Nəticədə S.Əlixanov hadisə yerində ölüb, sərnişini Pərvanə Zöhrabova isə xəsarətlə xəstəxanaya yerləşdirilib. Faktla bağlı araşdırma aparılır.