İki gün öncə 10 DV 050 nömrə nişanlı AUDİ-5 markalı avtoşun idarə etdiyi maşınla vurulan və ölümdən dönən Bizimxeber.az-ın baş redaktoru Ədil Hüseynovun gözündəki ağrılar daha da şiddətlənib. Baş redaktor xəstəxanaya müraciət edib, onun iki gözü müayinə olunub, yuyulub. Əlinə və sol üz nahiyəsində olan şüşə yaraları müayinə olunub.
Baş redaktora və maşına dəyən ziyanı hələ də ödəməyən və ya ödəməkdən imtina edən qarşı tərəf isə qətiyyən narahat görünmür və baş redaktorun səhhəti ilə maraqlanmır: ” Çox maraqlıdır ki, hələlik hansı məmura arxalanaraq özlərini günaahkar olmayan kimi göstərən bu şəxslər və ya hadisəni törədən 19 yaşlı tələbə Emil Hüseynzadənin valideynləri, ağsaqqalları hadisədən sonra məni və diğər əzilən avtomobillərin sahiblərini axtarıb heç bir danışıq aparmayıblar. Ancaq dünən cəmi bir dəfə telefon əlaqəsi yaradaraq sığorta işinin hələ də həll olunmadığını deyiblər. Bunula da işlərini bitmiş hesab edirlər.
Onlara gözümdəki xəsarətlə bağlı məlumat versəm də, tüklərini belə tərpətmirlər. Doğrudan da qəribədir. Bunların çalışdığı bir nömrəli məsələ sığorta işini həll edib maşınlarını düzəltdirmək, bizə də 5-10 manat verib başlarından eləməkdir.
Bu isə nə insanlığa, nə də qanunlara sığmayan haldır.
Dünən Səbail rayon Polis İdarəsindən zəng edərək məni idarəyə dəvət etdilər. Mən də öz şikayətimi rəsmi olaraq bildirdim. Mənə və avtomobilimə dəymiş maddi, mənəvi, psixoloji ziyanın ödənilməsi üçün işin obyektiv araşdırılmasını tələb etdim.
Yeri gəlmişkən idarədə mənə göstərilən münasibətə görə, idarənin rəisi İlqar Mahmudov başda olmaqla Təhqiqat şöbəsinin rəhbəri İntiqam müəllimə bə baş təhqiqatçı Cavid Hüseynova təşəkkürümü bildirirəm.
Sonra baş redaktor mətbuat vasitəsi ilə ölkə prezidenti cənab İlham Əliyevə və Daxili İşlər naziri cənab, Ramil Usubova müraciət etdi:
“Xahiş edirəm ki, bu hadisə sizin nəzarətiniz və tapşırıqlarınız altında dəqiq araşdırılsın, mənə dəyən ziyan bütünlüklə ödənilsin. Mənim maşınımı yararsız hala salmaqla ölümün bir addlmlığına aparan sürücü Emil Huseynovun kimliyi və kimə arxalanaraq belə sürətlə məsuliyyətsiz avtomobil sürməsini araşdırasınız. Araşdırılsın ki, bir gün belə işləməyən 19 yaşlı bir tələbənin altındakı bu 45 min manatlıq ölüm maşınını ona kim və hansı pulla alıb? Onların baş verən ağır hadisəyə belə soyuq yanaşmasının səbəbi nədir və ya onların arxasında kim dayanır? Bu işdə mətbuat da əlindən gələn köməkliyi edəcək.