İki il öncə Daşkəsəndəki N saylı hərbi hissədəki gülləbaranla bağlı müəmmalar
Əzizov Bəyalı Kocalı oğlu. Oğlu Əzizov Elxan Bəyalı oğlu 2010-cu il yanvarın 28- də Daşkəsəndə N saylı hərbi hissədə güllələnmiş cavuşdur. Artıq 13 ayını xidmət etmiş cavuş Əzizov Daşkəsəndə güllələnmiş 4 zabitin qətlində əskər Məmmədov Sadiq Etibar oğlu ilə birlikdə günahlandırılır. Qətlə yetirilmiş 4 zabitdən başqa iki zabitimiz də yaralanmışdı bu gülləbaranda.
Göy- Göl- də N saylı h/h həlak olan əskərlərin dünyasını dəyişmiş valideyinləri Sulanverdiyev Radbel, Quliyev Etibar, Daşkəsən N saylı h/h- də həlak olmuş əskərin atası,Məmmədov Etibar qanunsuz xətm edilən cinayət işlərinin təzədən açılmasını və haqq- ədalətin öz yerini tapmasını tələb edir. Həlak olmuş əsgərlərdən birinin valideyni Əzizov Bəyalı Kocalı oğlu deyir: “Mənim oğlum 13 ay xidmət etmişdi, əla xidmət edirdi, bunu hamı təsdiqləyir. Məmmədov Sadiq isə 3 ay karantində xidmət edəndən sonra 1 ay idi ki, hərbi hissəyə gəlmişdi və oğlumu ona böyük təhkim etmişdilər. İstintaq aparanlar deyir ki, güya Məmmədov mənim oğlumu yoldan çıxardıb və onlar birlikdə zabitləri güllələyiblər. Sonra qaçıb zibillikdə bir birini güllələyərək intihar ediblər. Bu hadisə saat 15- 16 radələrində olub. Bu saatı yadınızda saxlayın. Çünki mənim şübhələrimdə saat böyük rol oynayır. Əslində bu cinayətdə və onun mənə deyilən təffərrüatlarda o qədər şübhəli məqamlar var ki. Baxın hamımız əsgər olmuşuq. Sizin fikrinizcə cavan əsgər köhnəni yoldan çıxardar ya köhnə təzəni? Əlbəttə köhnə təzəni. Yaxşı tutaq ki cavan çıxartdı yoldan, silahı necə əldə etdilər, gülləni necə əldə etdilər, yaxşı cinayət edilən silahda, güllələrdə, gilizlərdə niyə barmaq izləri yoxdur. Necə olur ki, növbətçi Əli İmanov iki tərəfdən açılan atəşin altında işıqlı dəhlizdə keçib kazarmanın qapısını bağlayır, amma atəş açanları tanımır? Oğlumu tapşırdığım zabit orada yaralanıb, qaçıb amma on üç ay tanıdığı gördüyü əskəri tanımayıb. Məni maraqlandıran, şübhələndirən ən əsas məsələlər isə odur ki, iki cavan uşaq cinayət edəndən sonra bir -birini necə güllələyiblər. Özü də bir güllə ilə deyil hərəsinə iki – üç güllə dəyib. Digər bir tərəfdən cinayətin saat 15-16 radələrində baş verdiyini deyən istintaq mənim oğlumun saat 17-15 də əmisi oğlu ilə sakit necə danışdığını izah edə bilmir. Saat 17- 15 də oğlum çavuş Əzizov Elxan Bəyalı oğlu əmisi oğluna zəng edib və onunla heç nə olmamış kimi sakit danışıb. Bu necə ola bilər? Tanış ola bildiyim ekspert rəyində meyitlərin kaumflyajlarında dartılma , sürütləmə əlamətləri ehtimal olunurdu. Bu uşaqlar kiminlə süpürləşiblər və ya kim onları güllələyəndən sonra sürüyüb aparıb?? Əsgər Məmmədov Sadiq Etibar oğlunun bədənində güllə yaralarından başqa döyülmə əlamətləri var. Bu əlamətləri görmək üçün heç ekspert belə olmaq lazım deyil. Bu izlər təzə idi, onu kim döyüb?
Bu sualları istintaq orqanlarına da verdim mənə heç kim cavab vermədi. O boyda hərbi hissədə günün günorta çağı cinayət baş verir heç kim görmür. Bu qədər əskərdən soruşdum, zabitlərdən öyrənmək istədim heç kim bir cavab verə bilmədi? Nə olur axı? Biz oğul böyüdüb vətəni qorumağa göndəririk, göndərmirik ki, onları özümüzünkülər öldürsünlər.Biz haqq ədalət axtarırıq. Mənim Ali Baş Komandana müraciətim var. Cənab Ali Baş Komandan bu gün Azərbaycan ordusunda belə müəmmalı ölümlər çoxdur. Bu oğulları biz valideyinlər sağ salamat vətəni qorumağa göndərmişdik. Göy – Göldə N saylı h/h- də, Daşkəsəndə N saylı h/h- də olan bu cinayətlərdə bizim oğlanlarımız həlak olub. Bəzi valideynlər haqq- ədalət axtara axtara artıq dünyalarını dəyişiblər.”