Gecə saatlarından Suraxanıda alovlanan evlər iki,üç və dördotaqlı olublar

Hadisə Bakıda bir gecədə 3 ev yanıb. Fövqəladə Hallar Nazirliyinin mətbuat xidmətindən ANS PRESS-ə verilən məlumata görə, hadisə Suraxanı rayonunda qeydə alınıb.
Vətəndaşlara məxsus birmərtəbəli ümumi sahəsi 220 kv.m olan 3 evdə yanğın hadisəsi baş verib. İkiotaqlı evin yanar konstruksiyaları ev əşyaları ilə birlikdə, dördotaqlı evin dam örtüyünün yanar konstruksiyaları sahədə və üçotaqlı evin dam örtüyünün yanar konstruksiyaları yanıb.
Hadisə güclü olduğundan dövlət yanğından mühafizə hissəsinin 4 yanğın söndürən maşını və canlı qüvvəsi cəlb olunub.

Bitişik evlərin qalan hissəsi yanğından mühafizə olunub. Yanğın saat 22:25-də yanğınsöndürənlər tərəfindən söndürülüb.

Qaradağ rayonunda isə "Qazel" markalı yük avtomobili ilə "Nissan" markalı minik avtomobilinin toqquşması nəticəsində yanğınla nəticələnən yol qəza hadisəsi baş verib. Yük maşını yansa da, minik avtomobili yanğından mühafizə olunub.