Bu gün Bakı-Qazax magistralının Ələt qəsəbəsindən keçən hissəsində ağır qəza baş verib.

“Opel" markalı avtomobilin arxadan mişar daşı ilə dolu yük maşınına çırpılması nəticəsində bir ailənin üzvləri olan 4 nəfər xəsarət alıb.
Belə ki, qəza nəticəsində sürücü, 1991-ci il təvəllüdlü Vüqar Məmmədov, sərnişinlər -1993-cü il təvəllüdlü Fuad Məmmədov, 1991-ci il təvəllüdlü Lamiyə Məmmədova və 1993-cü il təvəllüdlü Vəfa Məmmədova xəsarət alıblar.
V. Məmmədov, V. Məmmədova və L. Məmmədova Şirvan Şəhər Xəstəxanasına yerləşdiriliblər. L.Məmmədovanın vəziyyətinin ağır olduğu bildirilir. V. Məmmədov isə Bakıdakı xəstəxanalardan birinə gətirilib.