Gundemxeber.Az bildirir ki, Zərdab rayonu, Gödəkqobu kənd sakinləri Əhədov Abdulhəmid Abduləhəd oğlu, 2-ci qrup Qarabağ müharibəsi əlili Seyidov Mahir Xidmət oğlu və Zeynalov Ramil İsmayıl oğlu tərəfindən Muxalifet.az-ın redaksiyasına şikayət məktubu daxil olub. Şikayıtçilər yazırlar:

“Biz Zərdab rayon Gödəkqobu kənd sakinləri - üzləşdiyimiz məmur özbaşınalığı, qanunsuzluqlar barədə şikayət ərizəsi ilə Sizə birgə müraciət etməyi qərara aldıq.
Zərdab rayonu Gödəkqobu kəndində bizə və ailə üzvlərimizə məxsus torpaq sahələri var. Başqa iş yerimiz yoxdur, əlacımız ancaq həmin torpaq sahələrini əkib-becərməkdir. Buna isə Zərdab rayon Suvarma Sistemləri İdarəsinin müdiri Mircəlal Mirzəyev və onun işçisi Əlif Paşayev ənəgəl yaradıblar. Nəticədə də əkinlərimiz susuzluqdan məhv olub, çıxılmaz vəziyyətə düşmüşük.
Zərdab rayon Suvarma Sistemləri İdarəsinin müdiri Mircəlal Mirzəyev və onun işçisi, Gödıkqobu kənd üzrə su merabı Əlif Paşayev suyu yüksək qiymətə sakinlərə satırlar. Bizim isə onlara verməyə artıq pulumuz yoxdur.

Yaranmış bu problemin həll edilməsi üçün Zərda rayon İcra Hakmiyyətinin başçısı cənab Mərdan Camalovun qəbulunda olmuşuq, şikayətimzi bildirmişik, ancaq heç bir tədbir görülməyib.
Bu qanunsuzluqlar barədə dəfələrlə Azərbaycan Respublikası Meliorasiya və Su Təsərrüfatı ASC-nin sədri cənab Əhməd Əhmədzadəyə ərizələrlə müraciətlər etsək də, indiyə qədər heç bir tədbir görməyib, ərizələrimizə cavab verilməyib. Çünki Zərdab rayon Suvarma Sistemləri İdarəsinin müdiri Mircəlal Mirzəyev talançılıqla əldə etdiyi vəsaitin yüksək məbləğini Əhməd Əhmədzadəyə ötürür, bu səbəbdən də ona “gözün üstə qaşın var” deyən yoxdur.

Bu müraciətin müəlliflərindən biri olan mən - Zeynalov Ramil İsmayıl oğlu Zərdab rayon Suvarma Sistemləri İdarəsində işləyirdim. Məni qanunsuz olaraq işdən çıxarıblar.
Zərdab rayon Suvarma Sistemləri Birliyinin müdiri Mircəlal Mirzəyev idarəyə gələn dizel yanacağını mənimsəyir, yanacaq vuran aparatlar düzgün işləmir, kəsir vurur. Hər hektar su üçün vətəndaşlardan 2 manat 40 qəpik əvəzinə, 5 manat alınır. Texnikalarda təmir işləri aparılmır. Əməkdaşların əmək haqqını kəsirlər. İlin sonunda avans pulu mənimsəyirlər.
Sarıqaya, Alıcanlı və Sovxoz kəndlərində su mühərrikləri üçün ayrılmış dizel yanacaqlarının yoxlanılmasına zərurət var. Çünki həmin mühərriklər işlədilmədiyi halda, saxta sənədlərlə dizel yanacağı yazıb, pulunu mənimsəyiblər. Həmçinin istifadə edilən elektirik enerjisini dəfələrlə artıq göstərib, vəsaiti mənimsəyirlər.

Fəhlələr üçün xüsusi geyimlər verilmir. Zərdab rayon ərazisində suvarma kanalları lildən qamışdan, kol-kosdan təmizlənilmir. Kanalların təmizlənilməsi üçün saxta sənədlər tərtib edib, dövlət büdcəsindən ayrılmış vəsaiti mənimsəyirlər. Texnikalar təmir olunmur, ancaq təmir adı ilə vəsait yazılıb mənimsənilir.
Bütün bunlar bizim iştirakımızla yerində obyektiv araşdırlmalıdır.

Bu vəzifəli şəxslərin - Mircəlal Mirzəyevin və Əlif Paşayevin qanunsuz əməllərindən biz və ailə üzvlərimiz cana yığılıb, Azərbaycan Respublikasının vətəndaşlığından imtina edirik. Ulu öndər Heydər Əliyevin imzası ilə bizim ailəyə verilmiş pay torpağımızdan imtina edirik.
Biz mətbuat vasitəsi ilə Azərbaycan Respublikasının Prezidenti cənab İlham Əliyevdən və Azərbaycan Respublikasının Birinci-Vitse Prezidenti Mehriban xanım Əliyevadan xahiş edirik ki, şikayətimizi yerində bizim iştirakımızla obyektiv araşdırılıb, Zərdab rayon Suvarma Sistemləri İdarəsinin müdiri Mircəlal Mirzəyevin və onun əməkdaşı Əlif Paşayevin barəsində ciddi tədbirlər görülməsinə tapşırıq verəsiniz”.

Gundemxeber.Az