Bu gün "GundemXeber.Az xəbər portalında "YPX-nin rəis müavini vətəndaşı şantaj etməsin deyə 1500 manatı necə aldı? - ŞOK MÜRACİƏT" başlıqlı yazı ilə bağlı DİN-in Mətbuat Xidmətinin Şəki regional qrupunun baş inspektoru, polis baş leytenantı Mahir Məsimov rəsmi mövqe bildirib. O qeyd edib ki, "Göyçay Rayon Polis Şöbəsinin Dövlət Yol Polisi Bölməsinin əməkdaşları tərəfindən rayon sakinləri - Elnur və Təbriz Səmədovlara qarşı  qanunsuz tələblər irəli sürülməsi ilə bağlı iddialar əsassızdır.

 Belə ki, Elnur Səmədov, iyunun 24-də idarə etdiyi nəqliyyat vasitəsində təhlükəsizlik kəmərindən istifadə etmədiyi üçün yol polisi əməkdaşı tərəfindən ona “saxla” işarəsi verilib. Yoxlama zamanı həmin şəxsin sərxoş olduğu, yəni spirtli içki qəbul etdiyi də müəyyən olunub. Bu səbəbdən Elnur Səmədov barəsində İnzibati Xətalar Məcəlləsinin 333.1-ci (Nəqliyyat vasitəsini idarə etmək hüququ olan şəxs tərəfindən nəqliyyat vasitəsini alkoqoldan, narkotik vasitələrdən, psixotrop maddələrdən və ya güclü təsir göstərən digər maddələrdən istifadə olunması nəticəsində sərxoş vəziyyətdə idarə edilməsinə görə) və 329.1-ci (Təhlükəsizlik kəmərini bağlamadan nəqliyyat vasitəsini idarə etməyə görə ) maddələri ilə protokol tərtib edilib.

    Təbriz Səmədov isə aprelin 25-də istifadəsində olan 99-DD-221 dövlət nömrə nişanlı “Mercedes” markalı avtomobili yolun ikinci hərəkət hissəsində saxladığı üçün Polis Şöbəsinin Dövlət Yol Polisi Bölməsinin əməkdaşı ona yaxınlaşıb. Sürücünün hərəkətlərində narkotik vasitənin təsiri altında olmasına dair şübhələr olduğundan onun tibbi müayinədən keçirilməsi təmin edilib. Müayinənin də nəticəsinə əsasən Təbriz Səmədovun marixuana istifadə etdiyi sübuta yetirilib. Onun da barəsində İnzibati Xətalar Məcəlləsinin 333.1-ci (Nəqliyyat vasitəsini idarə etmək hüququ olan şəxs tərəfindən nəqliyyat vasitəsini alkoqoldan, narkotik vasitələrdən, psixotrop maddələrdən və ya güclü təsir göstərən digər maddələrdən istifadə olunması nəticəsində sərxoş vəziyyətdə idarə edilməsinə görə) və 346.1-ci (Dayanma və ya durma qaydalarını pozmağa görə) maddələri ilə protokol tərtib olunaraq cərimələnib."

GundemXeber.Az