Gundemxeber.az » Ölkə » Bölgə » Masazırda zibilliklərin üstündə tikilən evlər - Abşeron RİH maklerlə necə “anlaşıb“?
Masazırda zibilliklərin üstündə tikilən evlər - Abşeron RİH maklerlə necə “anlaşıb“?
Bataqlıq və zibilliklərin üstündə inşa edilən yaşayış evlərinin tikinti normativlərinə cavab vermədiyi bildirilir
Ölkə ərazisində qanunsuz tikililərin qarşısının alınması üçün dövlət qurumları tərəfindən görülən tədbirlərə baxmayaraq, hələ də bu işlərlə məşğul olan ciddi şəbəkələr fəaliyyətlərini davam etdirirlər.
Qanunsuz həyət evlərinin gizli tikintisinin yayıldığı ərazilərdən birinin Abşeron rayonu Masazır qəsəbəsi olması barədə bir neçə dəfə məlumat vermişik.
Hazırda Masazır qəsəbəsində heç bir rəsmi icazə olmadan və müvafiq sənədləşmə işləri aparılmadan qanunsuz həyət evlərinin kütləvi tikintisi ən çox “göl” adlanan ərazidə aparılır. Bataqlıq və gölməçə olan ərazi indi zibillərlə doldurularaq, üstündə qanunsuz həyət evləri inşa edilir.
Əldə etdiyimiz məlumata görə, ərazidə inşa edilən həyət evlərinin tikintisi üçün Dövlət Şəhərsalma və Arxitektura Komitəsi ilə FHN-nin Tikintidə Təhlükəsizliyə Nəzarət Dövlət Agentliyinin heç bir rəsmi icazəsi yoxdur. Qanunsuz tikintini həyata keçirən maklerlərin Abşeron icra hakimiyyəti ilə "anlaşdığı" və buna görə işlərini rahat şəkildə aparırlar.
Zibilliklərin üstündə içi-içə tikilən həyət evlərinin tikinti normativlərinə cavab verməməsinə baxmayaraq, bilinməyən səbəblərdən məsələyə Dövlət Şəhərsalma və Arxitektura Komitəsi "göz" yumur.
Məlumata görə Dövlət Şəhərsalma və Arxitektura Komitəsi ilə FHN-nin Tikintidə Təhlükəsizliyə Nəzarət Dövlət Agentliyinin ərazidəki tikintilərə nəzarətsiz buraxmasının səbəbkarı Abşeron Rayon İcra Hakimiyyətidir. Belə ki, Abşeron RİH-nin hər iki qurumla anlaşdığı iddia edilir.
Bildirək ki, Masazır qəsəbəsi "göl" adlanan ərazidə yeni inşa edilən evlərə dövlət tərəfindən mülki çıxarış (kupça) verilməyəcəyi bildirilir. Ancaq maklerlər vətəndaşların inamını və etibarını qazanmaq üçün Abşeron Su idarəsi və "Azərişıq" ASC Abşeron idarəsi ilə hansısa yollarla əlaqə yaradaraq, qanunsuz tikdikləri evlərə işıq və su sayğacları quraşdırıblar.
Yazıda adı keçən qurumların mövqeyini dərc etməyə hazırıq./azfakt.com//
Oxşar yazılar :
-
-
Masazırda gölü doldurub yerində sənədsiz evlər ...
8-08-2023, 14:10
-
Bu ərazidəki evlər qanunsuz tikilib – RƏSMİ ...
11-10-2017, 18:10
-
İcra hakimiyyətlərinə xəbərdarlıq edildi ...
6-05-2014, 10:10
-
Xətai rayonunda rəsmi özbaşınalıqdır... - BUNUN ...
14-12-2022, 18:23
-
Bakıda 16 mərtəbəli yaşayış binasının icazəsiz ...
20-06-2018, 11:23
Sorğu
Hansı Antivirusdan istiafdə edirsiniz?