Tanınmış telejurnalist Mir Şahin demə həm də şer yazırmış. Saytımızda ilk olaraq onu şair Mir Şahin kimi təqdim edir və gələcək yaradıcılıq uğurları arzu edirik.İndi isə Mir Şahinin son şeirini nəzərinizə çatdırırıq

Mir Şahin

…gecə düşdü başıma…

Qapqara bir daş kimi.

Yazdı yeri, sımanı

Qara karandaş kimi…

…..

Yazdı son hərfə kimi,

Pozdu son səhvə kimi,

Mələyi qəhbə kimi,

Fələyi oğraş kimi!

…..

Ulduzlar axdı, batdı…

Göylərin bəxti batdı,

Növbə günəşə çatdı,

Sapsarə lavaş kimi…

….

Dumanı cilvələndi,

Buludu silkələndi,

Yağıları yağandı

Üstümə sabaş kimi…

….

Yağdı dəniz olmadı…

Yudu təmiz olmadı,

Içdik, içdik doymadıq –

Bir səfil əyyaş kimi…

……

Gecə gözdən itən tək,

Gördük gəlib vətən tək…

Nə bitişdik bədən tək,

Nə kəsildik baş kimi…