Bakıda Kooperasiya Universitetinin idman zalında baş vermiş yanğın söndürülüb.
Məlumata görə, yanğın zamanı 4 nəfər tüstüdən zəhərlənib.
Həmin şəxslər Toksikologiya Mərkəzinə aparılıb. Onlar - Aidə Seyfullayeva, Tərlan Mirzəyeva, Məlahət Məmmədova, Cəfər Quliyevdir.

*****
13:29
Kooperasiya Universitetində baş vermiş yanğın lokallaşdırılıb.
Hazırda yanğınsöndürənlər yanğını tamamilə söndürməyə çalışırlar.

***

12:55
Fövqəladə Hallar Nazirliyi Bakıda ali məktəbdə baş verən yanğınla bağlı məlumat yayıb.
Gündəm Xəbər nazirliyin saytına istinadən xəbər verir ki, ilkin məlumata əsasən Nərimanov rayonunda Azərbaycan Kooperasiya Universitetinin idman zalında elektrik naqilləri yanır: “Hazırda Azərbaycan Kooperasiya Universitetinin əsas binasında qəbul imtahanları gedir. Yanğının imtahan gedən binaya keçmə ehtimalı yoxdur. Yanğın zamanı xəsarət alan olmamışdır. Əlavə məlumat veriləcək”.

*****

12:52

Bakıda Kooperasiya Universitetinin binasında yanğın başlayıb.
Yanğın universirtetin Ziya Bünyadov prospekti 30 ünvanında yerləşən binasının idman zalında qeydə alınıb.
Hazırda yanğınsöndürənlər yanğını söndürməyə çalışırlar./APA