Bakıda intihara cəhd hadisəsi baş verib.

Hadisə Nəsimi rayonunda qeydə alınıb.

Mir Cəlal Paşayev küçəsi, 36 ünvanında yerləşən beşmərtəbəli binanın 3-cü mərtəbəsində yaşayan 53 yaşlı Barat Mahmudov özünü pəncərədən yerə atıb. Lakin o, həyətdəki ağacın budağına ilişib.

Milli.Az virtualaz-a istinadən xəbər verir ki, B.Mahmudov 1 saylı Kliniki Tibbi Mərkəzə yerləşdirilib. Həkimlər onun döş qəfəsinin qabırğa sümüklərinin sındığını bildiriblər.

B.Mahmudovun vəziyyəti kafi qiymətləndirilir. Qeyd edək ki, o, Bakı Şəhəri Təcili Təxirəsalınmaz Tibbi Yardım Stansiyasının sürücüsüdür.

Faktla bağlı araşdırma aparılır.