Avqustun sonunda da xoş xəbərlər eşitmədik. Avqustun 23-də məlum oldu ki, növbəti iki ildən sonra orta məktəblərdən buraxılış və ali məktəblərə qəbul imtahanları zamanı yeni model tətbiq ediləcək.

Bu fikirləri Dövlət İmtahan Mərkəzi Direktorlar Şurasının sədri Məleykə Abbaszadə rəsmən açıqladı. Başqa sözlə bəlli oldu ki, Azərbaycan yaxın dövrdə test üsulundan imtina edəcək. Son 26 ildə Azərbaycanda ali məktəblərə qəbul test sistemin üzrə keçirilib. Test sistemini bu ölkəyə milli azadlıq hərəkatının lideri, eks-prezident Əbülfəz Elçibəy gətirib. Elçibəy test üslunu gətirməklə əslində ölkədə təhsil inqilabi həyata keçirdi. Bu inqilabın nəticəsində son 26 ildə yüz minlərlə kasıb, yetim, hamisi olmayan şagird tələbə adını qazana bildi. Elçibəy özü hakimiyyətdən devrilməsinin səbəblərini aşıqlayarkən bunlardan birinin də test üslunu ölkəyə gətirməsi olduğunu demişdi. Bəli, həqiqətən də testə qədər qəbul prosesi SSRİ-dən qalma qaydalarla, institutu müəllimləri tərəfindən aparılırdı. Bu bir sıra professorlara, kafedra müdirlərinə imkan verirdi ki, milyonlarla gəlir (rüşvət) əldə edə bilsin. Əvəzində pul verən şagir tələbə adını qazanır, pul verməyən savadlı gənc isə tələbə olmaq hüququnu itirirdi. Yalnız test sisteminə görə, rüşvətdən və gəlirdən olan ali məktəb müaəllimləri-yəni ziyalılar Elçibəyə qarşı barışmaz düşməni münasibət bəslədi. Təkcə peşə məktəblərində test üsulunun tətbiq edilməməsi üçün prezident Elçibəyin müşavirinə böyük məbləğdə rüşvət təklif edilmişdi. Təbii ki, test sistemi üzərində müəyyən dəyişikliklər edilə bilər, amma ssistemin tam ləğv edilməsi ancaq təhsildə korrupsiya və rüşvətə yol açacaq.
İndi testdən imtina edəcəyik, bilmirik tələbə qəbul imtahanlarında hansı format seçiləcək. Ancaq aydındır ki, test mexanizmdən savayı digər qəbul formatlarında rüşvət, pul, korrupsiya sakit və səssizcə işləməyə başlayacaq. Beləcə itirən həm də savadlı şagirdlər, Azərbaycan olacaq. Rüşvət təhsildə başlıca rola çevriləccək.
İkinci, ən üzücü xəbər isə Mehman Əliyevin həbs edilməsi oldu. Mehman Əliyev Azərbaycan jurnalistikasının sonuncu mogikanı hesab edilməlidir. Mehman Əliyevin avqustun 24-də həbs edildiyi xəbəri yayıldı, az sonra təkzib edildi. Avqustun 25-də onun həbs edildiyi, məhkəməyə aparıldığı bəlli oldu. Sonda barəsində 3 aylıq həbs qətimkan tədbiri seçildi, hazırda Kürdəxanı Təcridxanasındadır. Mehman Əliyev jurnalistikmızın böyüklərindən biridir, daima optimistliyi ilə seçilib. Onun həbsini heç kim proqnozlaşdırmırdı, ancaq baş verdi. Mehman müəllim bu ölkənin ən işıqlı insanlarından biridir, ziyalıdır. Onun həbsinin indiki həssas və geosiyasi baxımdan mürəkkəb olan bir dövrdə kimə sərf etdiyi haqda analiz açmağa ehtiyac yoxdur. Mehman müəllim həm də birləşdirici fiqur rolunu oynayırdı. Ona ictimai-siyasi camiyenin bütün tərəfləri yaxın idi. İndi Mehman Əliyev həbsdə, onun yaratdığı və SSRİ məkanında ilk müstəqil informasiya agentliyi olan Turan isə sentyabrın 1-də rəsmən fəaliyyətini danayandıracaq. Yenə də, uduzan dəyərlər, jurnalistikamız oldu. Mehman Əliyevlə təmizlik, obyektivlik, peşəkarlıq sözü eyniyyət təşkil edir.