Tarix boyu Azərbaycanın başına nə müsibətlər gəlibsə, bunların demək olar ki, əksəriyyətinin başında rus imperiyası dayanıbdır. Torpaqlarımız bu mənfur imperiyanın düşmən siyasəti nəticəsində bölünüb. 1920-ci ildə qanlı rus ordusu Azərbaycanı işğal etməklə demokratik cümhuriyyətimizi süquta uğradıb. Torpaqlarımız yenə də ermənilərə peşkəş edilib və ziyalılarımız- aydınlarımız kütləvi şəkildə ya güllələnib, ya da sürgünlərə göndərilibdir.

Mən, Azərbaycanda SSR- i adlı imperiyanın repressiyasına düçar olan insanların sayının 70. 000 olduğunu bilirdim, sonradan 100.000 olduğu ortaya çıxdı. Dostum Serxan Carçının "Bir kəndin repressiyası" adlı kitabının təqdimat mərasimində ziyalılarımızdan eşitdiyim rəqəm məni dəhşətə gətirdi. 250.000 insanımız ümumilikdə repressiyanın qurbanına çevriliblər. Bir gecədə 200 -dən çox insan güllələnərək şəhid edilibdir.

SSR-i dövründə törədilən soyqırım, onun mənəvi və siyasi varisi olan Rusiya dövləti tərəfindəndə təkrar olunubdur. 1992-ci ildə baş verən dünyanın ən dəhşətli soyqırımı olan Xocalı Soyqırımı bir başa Rusiyanın dəstəyi və 366-cı motoalayı tərəfindən həyata keçirilibdir.

Rus imperiyalarının millətimizə qarşı törətdiyi soyqırımlara hüquqi qiymət verilməyin vaxtı deyilmi?

Azərbaycanda olan ləyaqətli hüquqşünaslar bu məsələnin üzərində işləməli və yaşadığımız soyqırımların hüquqi bazasını hazırlamalı və beynəlxalq məhkəmələrə müraciət etməlidirlər. Rusiya başımıza açdığı faciələrə mütləq cavab verməlidir. Ən azından özünü milliyətçi hesab edən təşkilatlar artıq bu məsələni gündəmə gətirərək, ictimai şüura yerləşdirməlidirlər. Rusiya bu gün özünü imperiyanın varisi adlandırdığı üçün törətdiyi cinayətlərə görə də cavab verməli, Azərbaycan xalqından üzr istəyərək, vurduğu madddi və mənəvi zərərin qarşılığını ödəməlidir.

Hesab edirəm ki, təklifimi dəyərləndirən ziyalılarımız olacaqdır.

"Qarabağ Qaziləri və Şəhid Ailələrinə Dəstək" İB -nin sədri
Elşən Əlisoy