O. Məmmədovun sözlərinə görə, ağacların aşması nəticəsində xəsarət alan olmayıb: “Nərimanov rayonunun Aşıq Alı küçəsində ağac aşaraq yolu bağlayıb. Təəssüf ki, dünəndən xəbərdarlıq edilsə də, insanlar avtomobillərini ağacların yanında saxlayır. Bundan başqa Yaşamal rayonunda ağac köhnə tikilinin üstünə aşıb. Nizami rayonunda elektrik xətlərinin üzərinə düşüb. Əməkdaşlarımız gecə saat 04.00 radələrindən iş başındadırlar. Yaranan problemləri aradan qaldırmağa çalışırıq. Ağaclar əsasən çoxmərtəbəli binaların arasında hava axını olan ərazilərdə aşır”.