Bu gün milli-azalıq hərəkatının fədailərindən biri olan, xalqını sevən, doğma Vətəninin hər qarış torpağına bağlılığı ilə tam əksəriyyətdən fərqlənən, haqqı-hüququ pozulan hər kəsin hüquqlarının müdafiəsi yolunda yorulmadan mübarizə aparan, ən əsası Elçibəy ideyalarını yaşadan, azadlığın carçısı adı ilə tanınan yaxın dostumuz Oqtay bəy Gülalıyevin doğum günüdür.

Əziz dost! Bəlkə də bu gün bir çoxlarından doğum günü ilə bağlı təbrik mesajları alacaqsan. Düşünürəm ki, bu təbrikim digərlərinin təbriklərindən fərqli bir təbrik olacaq. Buna da əsas səbəb, Sizin mübariz və əyilməz bir şəxs olaraq dostluğa və ideya yollarında aparılan mübarizəyə sadiq qalmağınızdan irəli gəlir. Bütün bunları nəzərə alaraq Sizi doğum günü münasibətilə səmimi qəlbdən təbrik edib, həyatda sizə uzun ömür və cansağlığı arzulayıram. Ən əsası, apardığınız mübarizə yollarında həmişə mübariz, həmişə şən olmağınızı, həyatınızın sevincli anlarının günəş şüalarıtək parlaq, yazyağışıtək nurlu olmasını o böyük Yaradandan da arzu edirəm. Bəli, bu gün də bir tarixdir. Siz atdığınız addımlarınızla bugünkü tariximizdə elə bir izlər buraxırsınız ki, bu izləri heç vaxt nə unutmaq, nə də yaddan çıxartmaq olmaz. İnanıram ki, xalqın Sizə olan sevgisi, məhəbbəti, etibarı vüqarlı adınızın həmişə uca tutulmasına səbəb olacaq. Çünki, Siz buna layiq vətən oğlusunuz.

Hörmətlə, Şirin Cəfəri