"Hakimiyyət orqanları ölkəni sürüklədikləri xaosdan çıxarmaq üçün məsuliyyətlərini anlamalı, gecdə olsa məmur özbaşnalığına son qoymalı, problemlərin yalnız və yalnız hüquq müstəvisində və demokratik şəkildə həll edilməsi üçün fəaliyyətə başlamalıdlır".

Bunu Gəncə şəhərində baş verən qanlı hadisələrə münasibət bildirərkən Klassik Xalq Cəbhəsi Partiyası (KXCP) Ali Məclisinin sədri Bəybala Əbil deyib:

"Olkə xaosa sürüklənir, rüşvət və korrupsiya idarəetməni, bütövlükdə dövlət orqanlarını iflic vəziyyətə salıb. Vətəndaş dərd-sərini deyə biləcəyi, şikayət edə biləcəyi ünvan tapa bilmir. Ölkədə intihar hadisəsi adiləşib.

Ağılınada gətirə bilmirsən ki, konstitusiyası, qanunları olan və respublika adlanan dövlətdə yaşayırsan. İnana bilmirsən ki, dünyaya satdığı enerji ehtiyatlarından ildə on milyardlarla qazanc götürən bir ölkə bir an içərisində zülmətə qərq olar, doğum evlərində yenicə doğulmuş körpələr işıqsızlıqdan ölər, elektriki kəsilən metrolarda, xəstəxanalarda minlərlə insanlar ölüm təhlükəsi ilə üz-üzə qalar, zavodlar və müəssisələrin işi pozular, əhali elektrik-su-qaz kimi həyati vacib mənbələrdən saatlarla, bəzi yerlərdə günlərlə məhrum ola bilərlər. Ağlına sığışdıra bilmirsən ki, sözdə qanunları olan bir ölkənin vətəndaşı məmur özbaşnalığına qarşı etirazını bildirməyə ünvan tapmaz, günün günortasında, şəhərin mərkəzində, rəsmi dövlət binasının qarşısında, polislərin əhatəsində olan məmuru öldürməyə cəhd edər. İnana bilmirsənki baş verən hadisəyə dövlətin məsul vəzifəliləri bir-birindən fərqli ad qoyar, hətta hadisənin ölkə içindəki müxtəlif təbəqələrdən başlayaraq bir neçə xarici dövlətin təhlükəsizlik orqanlarına qədər tamam fərqli qurumlar tərəfindən törədilməsini göstərə bilərlər. İnanmağın gəlmir ki, böyük ehtimalla faciə ilə nəticələnməsi açıq-aydın görünən mitinq elan olunmasına baxmayaraq bir neçə gün ərzində dövlət orqanları tərəfindən rəsmi media qurumları, din adamları, ziyalılar, ağsaqqallar tərəfindən əhali arasında izahat işi aparılması təşkil edilməsin, əksinə, rəsmi informasiya qıtlığından şailərin yaranmasına, insanlar qızışdırılmasına şərait yaradılsın. Nəticədə iki polis zabitinin öldürülməsi, onlarla vətəndaşın həbsi ilə nəticələnən 10 iyul faciəsi baş verdi.

Bəybala Əbil bildirib ki, təhlükə sovuşmayıb: "Nə yaxşı ki, demokratik müxalifət, bir çox saytlar, vətəndaş cəmiyyətinin əhəmiyyətli hissəsi bu qədər məlumatsızlığın-xaosun içərisində nəinki mitinqi dəstəklədi, əksinə təşkilatçıları, məqsədi və şüarları məlum olmayan mitinqin çox böyük təhlükə mənbəyi olması, əhalinin belə tədbirlərdə iştirakının məqsədəuyğun olmaması, insanların qarşıdurmadan qaçmasının zəruriliyi istiqamətində apardıqları bir neçə günlük iş faciənin boyutunu kiçiltdi. Amma təhlükə sovuşmayıb. Hakimiyyət orqanları ölkəni sürüklədikləri xaosdan çıxarmaq üçün məsuliyyətlərini anlamalı, gecdə olsa məmur özbaşnalığına son qoymalı, problemlərin yalnız və yalnız hüquq müstəvisində və demokratik şəkildə həll edilməsi üçün fəaliyyətə başlamalıdlır. Yoxsa yeni fəlakətlərin yaranmasının qarşısını almaq mümkün olmayacaq"./sozcu.az