Dağıstanda zirehli texnikanın gəmidən endirilməsi zamanı iki hərbçi ölüb.

GundemXeber.Az bildirir ki, Rusiya KİV-i bu barədə məlumatı hüquq-mühafizə orqanlarındakı mənbəyə istinadla yayıb.

Zirehli texnika Xəzər dənizində batıb və hərbçilər hadisə zamanı xilas ola bilməyiblər.

Ölən şəxslər Dağıstanın Kayakent rayonundan olan 24 yaşlı Məhəmməddin və Həştərxan vilayətindən olan 29 yaşlı Rəsuldur. Hələlik onlardan birinin cəsədi tapılıb.