Əldə etdiyimiz məlumata görə, "Araz.az" saytı Bakı Metropoliteni QSC tərəfindən Sabunçu Rayon Məhkəməsinə verilib.

Bu barədə saytın baş redaktoru Hüseyn Əzizoğlu özü "Araz Media" xəbər portalına açıqlama verib. Hüseyn müəllim əlli yaşında, altmış dəfə məhkəməyə verildiyini qeyd edib. Lakin bu məhkəmədən "baş" açmadığını xüsusi ilə vurğulayıb. Belə ki, qanunvericiliyə görə, ona qarşı tərəfin iddiası məhkəmədən öncə təqdim olunmalıdır. Nədənsə məhkəmə bunu "unudub". Ən maraqlısı isə odur ki, nə saytın ünvanının, nə də ki, baş redaktorun ünvanının Sabunçu rayonuna heç bir aidiyyatı yoxdur. Baş redaktor bu məhkəmənin saytda dərc olunan iki araşdırma yazı ilə əlaqəli ola biləcəyini güman edir. Belə ki, saytda dərc olunmuş, "Bakı Metropoliteni real təhlükə qarşısında" və "Ölüm tuneli - 2019 : Bakı Metropoliteni faciənin astanasında" başılqlı araşdırma məqalələr, zaman-zaman bu qurumda narahatçılıq yaradıb.

Sonda Hüseyn Əzizoğlu mətbuatla bağlı dəfələrlə məhkəmələrə verildiyini, çox vaxt da qalib çıxdığını söyləyərək, mətbuata belə basqıların, Jurnalistlərin Dostu olan Cənab Prezident İlham Əliyevin atdığı uğurlu addımlara, yürütdüyü məqsədyönlü siyasətə adekvat olmadığını bildirib.