Son illər pensiya və sosial müavinətlərin verilməsində şəffalaşdırılması ilə bağlı kifayət qədər işlər görülüb.

Bürokrtaik əngəllərin eləcə də, rüşvət hallarının qarşısını almaq üçün Əmək və Əhlinin Sosial Müdafiəsi nazirliyi tərəfindən elektron xidmətlər təklif edilir. Əlbəttə ki, bütün bünlar ölkə başçısı Prezident İlham Əliyevin tapşırıq və göstərişləri ilə həyata keçirilir.
Amma görünən odur ki, “mərkəzdən qaçma” ənənəsi hələ də davam edir. Son vaxtlar yüzlərlə insana saxta əllilik və pensiya verilməsi ilə hüquq-mühafizə orqanları tərəfindən cinayət işinin başlanması ilə bağlı açıqlamalar yayılır. Bu isə o deməkdir ki, yerlərdə həqiqətəndə problemlər qalmaqdadır. Belə olan halda da, əlil, pensiya təminatı olan şəxslər bu liqotdan kənar qalır.
Tibbi-Sosial Ekspert Komissiya sədrləri istədiyi insana, istədiyi rəyi yaza bilir və bu sorğu-sualsız qalır. Nəticədə Nazirliyin işinə, eləcə də ölkə rəhbərliyinə qarşı etirazlar yaranır.
Son belə halda isə, Füzuli rayon Tibbi-Sosial Ekspert Komissiyasının sədri Natiq Şükürovun adı hallanır. “BizimDövr”ə şikayət edən Füzuli rayon sakini deyir ki, baş həkim N.Şükürov onun anasının 4 dəfə əməliyyat olunmasına məhəl qoymur. Dəfələrlə pensiya və əlilliklə bağlı müraciət etsə də, Komissiya sədri buna mane olur.
“Anam 4 dəfə əməliyyat olunub. Əmək fəaliyyətini itirib. Uzun illər tibbi bacı olub.Xəstəxanın baş həkimi Natiq Şükürov rəy yazmaq üçün bizdən “hörmətə” 3 min manat pul istəyir”
Əldə etdiyimiz məlumata görə, 2016-ci ildən bu postu tutan Natiq Şükürovun adı, bir müddət öncə tibbi ləvazimatların satılmasında hallanıb. N.Şükürov baş həkim təyin olunduqdan sonra vəzifə səlaiyyətlərindən istifadə edərək varlanmağa başlayıb. Onun rayon ərazisində obtektlərinin, fermer təsərrüfatının olduğu deyilir. Eyni zamanda paytaxt Bakının bir neçə yerində daşınmaz əmlaka sahibdir.
Qarşı tərəfin mövqeyini dinləməyə hazırıq.