Bu gün səhər saatlarında Bakının Qaradağ rayonunda, Sahil qəsəbəsi yaxınlığında yol-nəqliyyat hadisəsi baş verib.

Mikroavtobusla yük avtomobilinin toqquşması nəticəsində 6 nəfər xəsarət alıb.

Hadisə yerinə 6 təcili tibbi yardım briqadası göndərilib.

Səhiyyə Nazirliyindən APA-ya bildirilib ki, xəsarət almış 6 nəfər Kliniki Tibbi Mərkəzə çatdırılıb. Onlardan 2 nəfərin vəziyyəti ağır, 4 nəfərin vəziyyəti orta-ağırdır.