62 saylı Saatlı dairə seçki komissiyasının sədri Arif Əliyev GundemXeber.Az saytının redaksiyasına, 23 yanvar 2020-ci il tarixdə ''Deputatlığa namizəd seçiciləri yeyib-içməklə ələ almağa çalışır” başlıqlı dərc olunmuş yazi ilə bağlı öz möveyini redaksiyamıza ünvanlayıb.

Arif müəllim xahiş edir ki, onun mövqeyini dərc edək. Odur ki, adı çəkilən şəxsin göndərdiyi açıqlamanın nöqtə, vergülünə toxunmdan çoxsaylı oxucularımızın diqqətinə çatdırırıq. Arif Əliyev qeyd edir: ''Məlum edirik ki, 23 yanvar 2020-ci il tarixli nömrənizdə “ Deputatlığa namizəd seçiciləri yeyib-içməklə ələ almağa çalışır” başlığı altında material dərc edilmişdir. Həmin materialda bildirilir ki, 62 saylı Saatlı seçki dairəsindən deputatlığa namizədliyi qeydə alınmış Mehtiyev Oktay Hüseyn oğlu ilk gündən sırf qanun pozuntusu ilə müşayiət olunan seçki təbliğatı aparır. Belə ki, o, rayonun Qara Nuru kəndi ərazisində əhalinin gediş-gəliş yolunun yaxınlığında çadır qurdurmuş, seçiciləri ələ almaq məqsədilə hər gün orada yemək-içmək məclisi təşkil etmişdir. 62 saylı Saatlı seçki dairəsinin dairə seçki komissiyasının sədri tərəfindən bu hərəkətlərin qanunsuz olması barədə Oktay Mehtiyevə xəbərdarlıq edilmişdir. Xəbərdarlıqdan sonra Oktay Mehtiyev həmin çadırı sökərək kənddəki həyətində mağar qurdurmuşdur. O.Mehtiyev həmin mağarda qanundankənar əməllərini davam etdirərək seçiciləri ələ almaq məqsədilə dairə ərazisindəki digər kəndlərdən də seçiciləri dəvət edərək orada onlara hər gün yemək-içmək təşkil edir. Dairə seçki komissiyası tərəfindən Oktay Mehtiyevə seçkiqabağı təşviqatın aparılmasında yol verdiyi qanunsuzluqlarla əlaqədar dəfələrlə xəbərdarlıq edilmiş və ondan seçkiqabağı təşviqat prosesində Azərbaycan Respublikası Seçki Məcəlləsinin maddələrinə əməl etməsi tələb olunmuşdur. Bu barədə Mərkəzi Seçki Komissiyasına da məlumat verilmişdir. Saytınızda getmiş yuxarıda qeyd olunan məqaləyə münasibətimizi növbəti nömrənizdə dərc etməyi Sizdən xahiş edirəm''.

Gundemxeber.Az