Abşeron rayonunun “Cənnət Park" yaşayış kompleksində baş vermiş yanğın söndürülüb.

Fövqəladə Hallar Nazirliyinin (DİN) Mətbuat Xidmətinin rəisi Gülçin Mehdiyeva bildirib ki, doqquzmərtəbəli yaşayış binasının 5-ci mərtəbəsində, ümumi sahəsi 80 m² olan 3 otaqlı mənzilin 2 otağının yanar konstruksiyaları yanıb.
O deyib ki, nazirliyin yanğınsöndürənləri yanğına müdaxilə ediblər, mənzilin qalan hissəsi yanğından mühafizə olunub: “Yanğın yanğından mühafizə bölmələri tərəfindən söndürülüb. Hadisə zamanı 1 nəfər qadın tüstüdən zəhərlənib. O, təcili tibbi yardım briqadasına təhvil verilib, 15 nəfər bina sakini isə təxliyə edilib. Bu zaman süstündən FHN 4 əməkdaşının halı pisləşib. Həmin şəxslər də həkim nəzarətindən keçib, heç bir ciddi xəsarət almayıblar”.

***15:34

Abşeron rayonun “Cənnət Park" yaşayış kompleksində yanğın baş verib.

TƏBİB-dən bildirilib ki, yanğın nəticəsində 1 nəfər sakin qadın sifətin və yuxarı ətrafların 1-2-ci dərəcəli yanığı diaqnozu ilə Yanıq Mərkəzinə, xəsarət alan FHN-in 4 işçisindən 2-si Yanıq Mərkəzinə, 2-si isə Toksikoloji Mərkəzə hospitalizə olunub.
Xəsarət alanların vəziyyəti yaxşıdır, hazırda ambulator yardım göstərilir.