“Artıq 2 gündür Azərbaycan hakimiyyəti AXCP sədri Əli Kərimlinin internetə çıxışını süni yolla əngəlləyir. Aprelin13-dən 14-nə keçən gecə AXCP sədrinin nəinki özünün mobil telefonu hətta ailə üzvlərinin mobil telefonları və mənzilin telefonu bağlanaraq onun ətraf aləmlə bütün əlaqəsi kəsilib. Bu gün aprelin 14-də isə Əli Kərimlini əvvəlcədən planlaşdırdığı müsahibəni reallaşdırmaqdan məhrum etmək üçün yenidən onun mənzilində internet kəsilib.”

Bu barədə Azərbaycan Xalq Cəbhəsi Partiyasının (AXCP) bəyanatında deyilir.

Aprelin 14-də Əli Kərimlini əvvəlcədən planlaşdırdığı müsahibəni reallaşdırmaqdan məhrum etmək üçün yenidən onun mənzilində internet kəsilib.
AXCP hesab edir ki, ölkə hakimiyyəti artıq siyasi həssaslığını itirib, bütün dünyanın ağır günlər keçirdiyi Covid-19 dönəmində insanlar arasında süni ajiotaj yaratmağa cəhd edir.

“Əli Kərimlinin internetinin kəsilməsi təkcə aparıcı müxalifət partiyasının liderinə qarşı siyasi senzura deyil, həm də ölkədə yüz minlərlə insanı alternativ fikir eşitmək azadlığına və sivil siyasətə vurulan ağır zərbədir. AXCP bu məhdudlaşdırmanın ardınca hakimiyyətin daha çirkin planlarının ola biləcəyinə şübhə etmir. Əli Kərimlinin təcrid edilə biləcəyini bəyan etməklə dünya ictimaiyyətini bu vəziyyətin durdurlması üçün Azərbaycan xalqına dəstək verməyə çağırır,” sənəddə deyilir.

Əli Kərimli: İqtidar siyasi rəqiblərinə qarşı qaydasız döyüş üsullarından istifadə edir

AXCP-nin məlumatına görə, bu partiyanın sədri Əli Kərimli aprelin 13-də jurnalıist Sevinc Osmanqızının yotubekanalındakı internet televiziayasına canlı efirdə müsahibəsi elan edildikdən sonra müxalif lidetrin özünün, ailə üzvlərinin və evinin telefon əlaqələri, internetə çıxışı məhdudlaşdırılıb. İnternet və telefon əlaqələri aprelin 14-də səhər saatlarında bəpra edilsə də axşam saatlarında Osmanqızının televiziya kanalında canlı efirə az qalmışyenidən qapadılıb.

Rəsmi qurumlar AXCP-nin bəyanatına və məlumatına hələ şərh verməyib.

Mən hər şeyi öz adı ilə çağırıram. Əgər kimsə xalqımıza, dövlətimizə düşmənçilik edirsə, onun bir adı var - düşmən. Hər kəs bunları belə də çağırmalıdır. Bunların indiki arzuları da gözlərində qalacaq.
İ.Əliyev

Bununla yanaşı, Azərbaycan hökumətinin aprelin 14-də keçirilən müşavirəsində prezident İlham Əliyev AXCP və Müsavat Partiyalarını `düşmən` adlandırıb.

“Koronavirus bunlar üçün sanki, göydəndüşmə bir hədiyyədir. Bu gün koronavirusa sevinən ancaq bu antimilli qruplaşmadır. Mən təbii ki, baş verən hadisələrdən xəbərdaram və bilirəm ki, bunların bu çirkin niyyətləri dəhşətli bir mənzərə yaradır. Ölənlərin sayının artmasını arzulayırlar, xəstələrin sayının artmasını istəyirlər, sevinirlər ki, insanlar vəfat edir. Yəni, bu, iqtidara qarşı deyil, dövlətə qarşı düşmənçilikdir. Mən hər şeyi öz adı ilə çağırıram. Əgər kimsə xalqımıza, dövlətimizə düşmənçilik edirsə, onun bir adı var - düşmən. Hər kəs bunları belə də çağırmalıdır. Bunların indiki arzuları da gözlərində qalacaq. Sözüm onda deyil, sözüm ondadır ki, siyasi islahatlar bu gün tam yeni bir konfiqurasiya yaradır. Əminəm ki, marginal qruplaşmaya yeni konfiqurasiyada yer yoxdur və olmamalıdır. Azərbaycan xalqı onları 27 il bundan əvvəl tarixin zibilxanasına atıbdır,” prezident qeyd edib./amerikaninsesi.org