“Azəriqaz” İstehsalat Birliyi tanınmış iş adamı, “Şərur” MTK şirkətinin rəhbəri İsfəndiyar Axundova qarşı məhkəmə iddiası qaldırıb.

GundemXeber.Az xəbər verir ki, “Azəriqaz” İstehsalat Birliyinin iddiasına Bakı Kommersiya Məhkəməsində hakim Səbinə Nuriyeva tərəfindən baxılacaq.
Qeyd edək ki, iddia İsfəndiyar Axundovun aldığı təbii qaza görə yaranan borc öhdəliklərini yerinə yetirməməsilə bağlıdır.
Məlumat üçün bildirək ki, qanuni təmsilçisi Axundov İsfəndiyar Məhəmməd oğlu olan “Şərur” MTK 2001-ci ildə dövlət qeydiyyatına alınıb. MTK-nın nizamnamə kapitalı 148 min 788 manat 20 qəpik təşkil edir.
Onu da qeyd edək ki, “Şərurlu İsfəndiyar” olaraq tanınan iş adamı İsfəndiyar Axundov barəsində mətbuatda çoxsaylı tənqidi yazılar yayımlanıb.

GundemXeber.Az