Göyçay şəhəri Əyrici fabrikinin körpələr evində məskunlaşmış məcburi köçkün, şəhid bacısı Bayramova Vəfa Əyyub qızı tərəfindən GundemXeber.Az xəbər portalına daxil olan müraciətdə deyilir: 

 “Mən mətbuat vasitəsi ilə hörmətli Mehriban xanım Əliyevaya müraciət etmək istəyirəm. Bizim ailə 1993-cü il tarixdə Ağdam rayonundan məcburi köçkün düşərək Göyçay rayonunda məskunlaşıb. 1-ci Qarabağ müharibəsində qardaşım Azadov İlham Əyyub oğlu qəhrəmancasına şəhid olub. Şəhid qardaşımın məzarı Ağdam şəhidlər xiybanındadır.

12 yaşlı yeganə övladım Bayramzadə Qabil Kəmaləddin oğlu sağ gözündən xəsarət aldığı üçün görmə qabiliyyətini 90 % itirib. Buna görə gözündən 3 dəfə cərrahiyyə əməliyyatı olunsada görmə qabiliyyətinin bərpa edilməsi mümkün olmayıb. Qabili müayinə edən Professor bildirib ki, gözünə buynuz qişası köçürülərsə görmə qabiliyyəti tam bərpa olunacaq. 

Biz ailəliklə buna çox sevinsəkdə arzumuz istəyimiz gözümüzdə qalıb. Çünki, balaca Qabilə buynuz qişası köçürülməsi üçün istənilən 10.000 (on min) manat pulu ödəməyə maddi imkanımız yoxdur. Çünki həyat yoldaşım Göyçay Gigiyena və Epidemologiya Mərkəzində fəhlə işləyir ki, əmək haqqısı 320 manat təşkil edir. Bu pul ilə biz güclə dolanırıq. Başqa yerdən gəlirimiz yoxdur.

Qeyd edim ki, 12 yaşlı Qabil taekvondo idmanı üzrə yarışlarda dəfələrlə qalib olub güclü idmançıdır. Çoxlusayda medallar və fəxri diplomlarla təltif edilib.

İndi isə aldığı xəsarətə görə sağ gözünün görmə qabiliyyəti itmişdir. Maddi imkansızlığa görə balaca Qabilin gözünə buynuz qişası köçürülməsini təmin edə bilmirik. Buna görə ağlamaqdan gözlərimin yaşıda quruyub.

Çətinliklə üzləşsəkdə ümüdümüzü üzməmişik ona görə ki, Azərbaycan Respublikasının Mehriban Əliyeva kimi mərhəmtəli, qayğıkeş və humanist birinci xanımı var. Mehriban xanımın köməkliyi sayəsində çoxlu sayda xəstə uşaqlar sağalıb sağlam həyata qayıdıblar.

Mən inanıb çox ümüd edirəm ki, Mehriban xanım mənim bu müraciətimi oxuyub balaca Qabilin səhhəti ilə maraqlanıb onun cərrahiyyə əməliyyatı olunmasına köməklik göstərəcək.

Hörmtli Mehriban xanım Sizdən çox-çox xahiş edirəm. Sizə yalvarıram yeganə övladım olan balaca idmançı Qabilin gözünə buynuz qişasının köçürülməsinə köməklik göstərəsiniz.

GundemXeber.Az