Bəyanatda deyilir:

“Məlum olduğu kimi may ayının 8-də jurnalist Aytən Məmmədovaya qarşı bıçaqlı hücum olmuş və   o,  cinayətkarın adını çəkmədiyi məhkəmə işi ilə bağlı hədələnmişdir. Hadisə zamanı Aytən Məmmədova boğaz nayihəsindən bıçaqla yüngül zədə   almış, üstəlik 12 yaşlı övladı ilə də təhdid  edilmişdir. Aytən Məmmədovanın son  vaxtlar ən çox ictimailəşdirdiyi məsələ isə İlkin Süleymanovun məhkəmə  işi  ilə   bağlı  olmuşdur. Halbuki həmin işin bilavəstə polislə bağlı olduğu da iddia edilir. 

ADR Partiyası bu hücumu kəskin pisləyir və hücum   etmiş şəxsin dərhal aşkara çıxarılmasını müvafiq qurumlardan tələb edir.

ADR Partiyası olaraq  hesab  edirik   ki, dekabr ayında tanınmış siyasi  fəal  Tofiq Yaqublunun vəhcicəsinə döyülməsi, fevral ayında reportyor Əvəz Hafizlinin amansızlıqla qətlə yetirilməsi, ictimai fəal Bəxtiyar Hacıyevin oğurlanması və ona  qarşı  şiddət  göstərilməsi,  nəhayət Aytən Məmmədovaya qarşı   sui qəsd  cəhdinin  baş  verməsi ölkədə tənqidçi şəxslər üçün amansız mühitin formalaşdırıldığının   göstəricisidir.. Törədilmiş cinayətlərin açılmaması isə baş verənlərin sistemli olmasının  sübutudur.

ADR Partiyası  olaraq  sistemli şəkil almış bu cinayətlərin subyeklərinin tapılıb cəzalandırılmasını əlaqədar strukturlardan tələb edir, həmin cinayətlərin aşkar edilmədiyi halda məsuliyyətin birbaşa hakimiyyətin üzərinə düşdüyünü bildirir, baş vermiş  cinayət hadisələrinə və hüquq mühafizə orqanlarının həmin cinayət hadisələrinə qeyri-adekvat  münasibətinə  etiraz  əlaməti  olaraq 14 may 2022-ci il tarixdə saat 15-də ictimai fəalların  və jurnalistlərin  təşkilatçılığı ilə Bakının Fəvvarələr Meydanında  keçirilməsi nəzərdə tutulmuş aksiyaya  dəstəyimizi ifadə etdiyimizi bəyan edirik.”

GundemXeber.Az