Bir neçə ildir Milli Mətbuat Günü ərəfəsinda 3-cü “Jurnalist binası”nın təhvil veriləcəyi ilə bağlı müzakirələr başlayır.

Ötən il açılış mərasimi gözlənilən binanın nə vaxt təhvil veriləcəyi yenidən gündəmdədir.
Gundemxeber.Az xəbər verir ki, məsələ ilə bağlı Cebhe.info-ya açıqlamasında Medianın İnkişafı Agentliyinin Kommunikasiya şöbəsinin müdiri Səidə Şəfiyeva jurnalistlər üçün tikilən bina ilə bağlı hər hansı yeni məlumatın olmadığını bildirib:
“Bununla bağlı bizdə bir məlumat yoxdur. Bir məlumat olsa, mütləq ictimaiyyətə açıqlanacaq”.
Xatırladaq ki, jurnalistlər üçün tikilən 3-ci binanın tikintisinə 2017-ci ildə başlanılıb. Bina 17 mərtəbəli, 255 mənzillidir.
Jurnalistlərin Bakının Bibiheybət yaşayış sahəsindəki 156 mənzildən ibarət ilk binası 2013-cü ildə istifadəyə verilib. 256 mənzildən ibarət ikinci bina isə 2017-ci ilin iyulunda jurnalistlərə təqdim olunub.

Gundemxeber.Az