Bu gün sosial şəbəkə üzərindən əldə etdiyimiz yazışmanın maraqlı və milli təhlükənin yaranmasına zəmin yaradanlara qarşı Gültəkin Hacıbəylinin "PKK nədir?" başlıqlı yazısına rast gəldik. GundemXeber.Az olaraq, milli birliyimizi müdafiə edən oxucularımız üçün yazının maraq doğuracağını düşünür və olduğu kimi oxuculara təqdim etməyi özümüzə borc bildik. Beləliklə, Gültəkin Hacıbəyli yazır:

"Vaxtilə sovetlər tərəfindən Türkiyəni daxildən parçalamaq  məqsədilə yaradılmış, 40 min günahsız türkün qanını tökmüş, Türkiyəyə on illər boyu olmazın faciələr yaşatmış və nə yazıq ki, bu gündə yaşatmaqda davam edən terror təşkilatı.

ABŞ PKK-nı terror təşkilatı kimi tanıyır.

Avropa Birliyi PKK-nı terror təşkilatı kimi tanıyır. 

Isveç bu günlərdə məcbur olub PKK ilə mübarizə haqqında yeni Konstitusiya qanunu qəbul edir, bir terrorçunu artıq Türkiyəyə təslim etdi...

Məni məhkəməyə verib həbsimi tələb edən, separatçı türkofob iddia edir ki, bütün bunlar yalandır. Türkiyədə vaxtilə Rusiyanın yaratdığı və 50 ildir Türkiyənin təhlükəsizliyini təhdid edən PKK problemi yoxdur. Bəs nə var? 

"Türkiyədə 1-2 terroristi ortaya ataraq,  süni kürd problemi yaradaraq, kürdü monstır (monstr olmalıdır))) edib, mübarizə siyasəti var idi".

Yəni, anladığımız qədər, türk millətinə qarşı məşhur nifrət çıxışlarının müəllifi təkcə Azərbaycan hakimiyyətini ölkəmizdə yaşayan milli azlıqlara qarşı kütləvi təqiblər həyata keçirməkdə və qətllər törətməkdə, 32 il ərzində "sülh göyərçini" olan "yazıq" Iranı təhdid etməkdə ittiham etmir,  böhtan arealını və diapazonunu daha da genişləndirərək bu dəfə Türkiyə dövlətini və xalqını ən alçaq, ən ləyaqətsiz cinayətdə suçlayır: Türkiyə dövləti kürdlərdən monstr düzəldib məhv etmək üçün (!) özü 1-2 nəfər terrorçunu ortaya atıb (!), özü süni kürd problemi yaradıbmış!

Bəs 40 min türkü kim şəhid edib? Onu da Türkiyə dövlətimi?! 

1918-ci ildə Azərbaycanı erməni-rus soyqırımından xilas edən və Azərbaycan uğrunda şəhid olan türk mehmetciyinin özünü 40 min insanın qətlində ittiham etmək mənəviyyatsızlığın dibinə vurmaqdır.

Bu 44 günlük savaşda dağ kimi arxamızda duran, bütün dünyanı gözə alıb haqqımızı qoruyan Türkiyə dövlətinə qarşı həqarətdir. 

Bu hazırda Azərbaycan səmasında, Azərbaycan İran sərhəddində Ordumuzla birgə təlimlər keçirməklə "Zəngəzur qırmızı xəttimdir" deyənlərə öz qırmızı xəttini  göstərən Türk Ordusunu aşağılamaq cəhdidir.

Bu PKK terrorunun qurbanı olmuş 40 min günahsız insanın ruhuna qarşı təhqirdir. 

Bu Azərbaycan-Türkiyə qardaşlığına qarşı düşmənlərin qəsdidir. 

Hələ ittihamın ardı da var, sən demə Azərbaycanda da eyni terroru talışlara qarşı etmək istəyirlər (adam "Irana gedib salam verən, konfransda iştirak edən bütün talışları, tatları vətən xaini, separatçı, terrorçu elan edib öldürürlər" deyir, zatən), amma hələ ki, alınmırmış!

Azərbaycan və Türkiyə xüsusi xidmət orqanlarının milli və dövlətçilik maraqlarımıza qarşı belə təxribatların qarşısını vaxtında alacağına ümid edirəm."

GundemXeber.Az