Binəqədi Rayon İcra Hakimiyyətinin “Space” müstəqil teleradio şirkəti ilə birgə təşkilatçılığı əsasında görkəmli oftalmoloq-alim, akademik Zərifə Əliyevanın anadan olmasının 100-cü ildönümünə həsr olunmuş “ZƏRİF ANA” adlı konsert proqramı keçirilib.

Gundemxeber.az bildirir ki, tədbirdə Rayon İcra Hakimiyyətinin başçısı Elxan Allahverdiyev, “Space” müstəqil teleradio şirkətinin rəhbəri Vado Korovin, millət vəkilləri-Madər Musayev, Azay Quliyev, Kamaləddin Qafarov, Yeni Azərbaycan Partiyası Binəqədi rayon təkilatının sədri Vüsar İsmayılov, Rayon İcra Hakimiyyəti başçısının müavinləri, Aparatın şöbə müdirləri, əməkdaşları, hüquq mühafizə orqanlarının, təhsil, səhiyyə, mədəniyyət müəssisələrinin rəhbərləri, “Space” müstəqil teleradio şirkətinin məsul əməkdaşları, rayon ictimaiyyəti iştirak ediblər.

Tədbirdə görkəmli elm xadimi, Azərbaycan tibb elminə misilsiz xidmətlər göstərən Zərifə Əliyevanın fəaliyyəti, onun xeyriyyəçilik ideyaları, alimin Azərbaycan tibb elminə verdiyi töhfələr haqqında məlumat verilib.

Konsert proqramında Azərbaycanın tanınmış sənətçilərinin, əməkdar və xalq artistlərinin ifasında bir-birindən gözəl ana haqqında musiqilər səsləndirilib.