Gundemxeber.az » Ölkə » Cəmiyyət » Azərbaycanda terror aktı törətməyi planlaşdıran xarici ölkə vətəndaşı saxlanıldı (FOTO/VİDEO)
Azərbaycanda terror aktı törətməyi planlaşdıran xarici ölkə vətəndaşı saxlanıldı (FOTO/VİDEO)
Azərbaycan ərazisində terror aktı törətməyi planlaşdıran xarici ölkə vətəndaşı saxlanılıb.
Gundemxeber.az xəbər verir ki, bu barədə Dövlət Təhlükəsizliyi Xidməti (DTX) məlumat yayıb.
Belə ki, DTX ölkəmizin milli təhlükəsizliyinə və dövlət maraqlarına qarşı yönələn terror-təxribat və kəşfiyyat-pozuculuq fəaliyyəti ilə mübarizə istiqamətində əməliyyat-istintaq tədbirlərini davam etdirir.
Məlum olub ki, adıçəkilən əcnəbi qeyd olunan cinayət əməllərini törətmək niyyəti ilə xarici ölkədən Azərbaycan Respublikasına gəlib, Bakı şəhərində yaşadığı müddətdə üçüncü dövlətin ölkəmizdəki Səfirliyinin yerləşdiyi ərazinin koordinatlarını müəyyənləşdirmək və terror aktını planlaşdırmaq məqsədilə səfirliyin binasının ətrafında müşahidə aparıb, terror aktında iştirak edə biləcək şəxslərin müəyyən edilərək bu fəaliyyətə cəlb olunması, odlu silah və partlayıcı maddələrin əldə edilməsi, bu məqsədlərlə maliyyə dəstəyinin alınması üçün digər şəxslərlə əlaqəyə girərək sövdələşib.
Faktla bağlı Favzan Musa Xan DTX-nin İstintaq baş idarəsində Azərbaycan Respublikası Cinayət Məcəlləsinin 28, 214.2.1 və 28, 214.2.3-cü (qabaqcadan əlbir olan bir qrup şəxs halında odlu silah və silah qismində istifadə olunan predmetlərdən istifadə etməklə terrorçuluq hərəkətlərinin törədilməsinə hazırlıq) maddələri ilə başlanılmış cinayət işi üzrə cinayət başında saxlanılaraq təqsirləndirilən şəxs qismində məsuliyyətə cəlb olunub və barəsində məhkəmənin qərarı ilə həbs qətimkan tədbiri seçilib.
Hazırda terror aktını planlaşdıran şəxslərin dairəsinin tam müəyyən olunması istiqamətində DTX tərəfindən kompleks istintaq-əməliyyat və beynəlxalq hüquqi prosedur tədbirləri həyata keçirilir.
Gundemxeber.az
Oxşar yazılar :
-
-
Qazaxıstanda Novruz bayramında terror törətməyi ...
14-03-2020, 14:01
-
DTX əməliyyat keçirdi: terror hazırlayan şəxs ...
28-08-2017, 14:00
-
DTX-dən əməliyyat: terror planlaşdıran şəxs məhv ...
29-08-2018, 13:46
-
DTX terror-təxribat təlimləri alan şəxsi tutaraq ...
31-08-2020, 12:23
-
İrəvanda xüsusi əməliyyat: terror planlaşdıran ...
25-11-2015, 15:08
Sorğu
Hansı Antivirusdan istiafdə edirsiniz?